Zimnicea

Zimnicea
urbeto en Rumanio limurbo vd
Blazono
Administrado
Lando	Rumanio
Regiono	rumania Valaĥio
Distrikto	distrikto Teleorman
Ĝemelurboj Pieve Emanuele Bouaké vd
Poŝtkodo	145400
En TTT	Oficiala retejo [+]
Demografio
Loĝantaro	12 589  (2021) [+]
Loĝdenso	96 loĝ./km²
Geografio
Geografia situo	43° 39′ N, 25° 22′ O (mapo)43.65388888888925.365 [+]
Alto	48 m [+]
Areo	131,31 km² (13 131 ha) [+]
Horzono	UTC+02:00 [+]
situo en la distrikto
Zimnicea (Rumanio) DEC Situo de Zimnicea
Alia projekto
Vikimedia Komunejo Zimnicea [+]

Zimnicea [zimniĉa] estas urbo en la distrikto Teleorman en Rumanio. Ĝi dufoje estis ĉefurbo de la distrikto, en 1837/38 kaj en 1877/78. Laŭ la stato de 2021 en la urbo vivis 12 589 loĝantoj sur areo de 131,31 kvadrataj kilometroj, kio rezultigas loĝdenson de 96 loĝantoj/km².

Zimnicea estas la plej suda urbo de Rumanio. Ĝi situas en la suda parto de la ebenaĵo Boian, je 40 km de la distrikta ĉefurbo Alexandria. Danubo, tie limo al Bulgario, preterfluas en distanco de du kilometroj de la urbocentro. La urbon trafluas la rivero Pasărea.

En 1977 tertremo detruis proksimume 89 % de Zimnicea. Tiu granda parto kredeble rezultas el tio, ke konstruaĵojn ankoraŭ ripareblajn oni tamen detruis por povi konstrui tute novan urbon. Bedaŭrinde la kvalito de la konstruado ne estis bona, kaj kelkaj domoj tiam konstruitaj jam kadukiĝas.

Zimincea situas ĉe tri naciaj vojoj:

1. D. N. 51: Zimnicea – Izvoarele – Alexandria, 40 km.
2. D. N. 51 A: Zimnicea – Suhaia – Turnu Măgurele, 60 km.
3. D. N. 5 C: Zimnicea – Petroșani – Giurgiu, 60 km.

Fervojo ekzistas de 1901. Trajnoj iras de la haveno (Zimincea Port) tra la urbo norden al Alexandria kaj Roșiorii Nord; tie estas ligo al la ĉefa linio de Bukareŝto al Timișoara.

Zimnicea havas partnerecon aŭ kunlaboron kun jenaj urboj:

• Svistov, Nikopole kaj Belene, Bulgario, de 2001
• Pieve Emanuele en Italio, de 2003
• Bouaké en Ebur-Bordo, de 2004
• Nikopol en Ukrainio, de 2004