Zihlschlacht-Sitterdorf

Zihlschlacht-Sitterdorf
	Blazono de Zihlschlacht-Sitterdorf
	Blazono de Zihlschlacht
	Reformita preĝejo de Zihlschlacht
komunumo en Svislando
Kantono	Turgovio
Distrikto	Weinfelden
Koordinatoj	47° 31′ 0″ N 9° 16′ 0″ O / 47.51667 °N, 9.26667 °O (mapo)Koordinatoj: 47° 31′ 0″ N 9° 16′ 0″ O / 47.51667 °N, 9.26667 °O (mapo)
Nombro de loĝantoj	2029
Areo	12,2 km²
Alteco	527 m super marnivelo
Poŝtkodo	8588
Komunumkodo	4511
	Mapo de Zihlschlacht-Sitterdorf
	Mapo de Zihlschlacht-Sitterdorf
	v • d • r

Por samtitola artikolo vidu la paĝon Sitterdorf (stacidomo).

Pri la komunumo

Zihlschlacht-Sitterdorf estas komunumo de la distrikto Weinfelden (ĝis la 31-a de decembro 2010 de la distrikto Bischofszell) en Kantono Turgovio, Svislando. Ĝi havis 2029 loĝantojn je la 31-a de decembro 2007.

Geografio

Zihlschlacht-Sitterdorf situas en monteta regiono norde de la rivero Sitter inter Sankt-Galo kaj Weinfelden. La komunumo konsistas el la municipoj Zihlschlacht kaj Sitterdorf, krome al la komunumo apartenas la vilaĝetoj kaj setlejoj Blidegg, Degenau, Lütschwil, Riet kaj Wiile. La teritorio de la setlejoj Blidegg kaj Degenau formas kvazaŭ eksklavon ĉe la norda bordo de Sitter oriente de la komunumo, kiu nur en unu punkto ĉe la bordo de Sitter tuŝas la ceteran komunuman teritorion.

Najbaraj komunumoj

Zihlschlacht-Sitterdorf limas en nordo al la komunumoj Erlen kaj Amriswil, en oriento al Muolen (Kantono Sankt-Galo), en sudo al Hauptwil-Gottshaus kaj Bischofszell, kaj en okcidento al Hohentannen.

Trafiko

La stacidomo de Sitterdof situas ĉe la trajnlinio de Sankt-Galo al Weinfelden, kiu estas servita de la regiona trajnlinio S5 de la fervoja kompanio THURBO AG. En Sitterdorf ekzistas aerodromo kun IATA-Kodo LSZV.

Historio

La unua dokumenta mencio de Sitterdorf datiĝas el la jaro 787 post Kristo kiel Sidruna. La nuntempa komunumo Zihlschlacht-Sitterdorf estis kreita je la 1-a de januaro 1997 per la kunigo de la du antaŭaj municipkomunumoj Zihlschlacht kaj Sitterdorf. La municipo Schocherswil, kiu ĝis 1997 apartenis al Sitterdorf estis tiam aligita al Amriswil.