La Respubliko Tlakskala,[1] konata ankaŭ kiel Konfederacio Tlakskala, estis federacio de kvar senjorlandoj de nahuatla lingvo, situintaj en la orienta parto de la valo de Meksiko, en la teritorio de la aktualaj subŝtatoj Tlaxcala kaj Puebla. Ĝi estis mezamerika politika ento, kies kultura hegemonio okazis en la mezamerika periodo postklasika, kaj estis sendependa enklavo ĉirkaŭita de la azteka imperio. De si mem la konfederacio ne havis tlatoani kiel ĉefan estron, sed ĉiu el la senjorlandoj kiuj kunformis ĝin havis sian propran registon.
