Marseljezo

La Marseillaise
La Marseljezo
nacia himno
lando	Francio
kantoteksto	Claude Joseph Rouget de Lisle, 1792
muziko	Claude Joseph Rouget de Lisle, 1792
ekde	1795
muzika ekzemplo
"La Marseljezo" noicon Ĉu la aŭdigo ne funkcias? Eble helpos la paĝo "media help" (en la angla).

La Marseillaise (1907).

Rouget de Lisle, kreinto de la Marseljezo, kantas ĝin je la unua fojo.

La Marseljezo estas la nacia himno de Francio. En la franca lingvo, La Marseillaise signifas "la marsejla". La vortojn verkis la strasburga kapitano Claude Joseph Rouget de Lisle (1760-1836) en 1792, t.e. en la revolucia periodo de Francio. La kanto unue nomiĝis Chant de Guerre pour l'Armée du Rhin (Militkanto por la Rejna Armeo); en 1792 marsejlaj regimentanoj eniris Parizon kantante tiun ĉi kanton... kiun la parizanoj sekve renomis La Marseillaise. Ĝin oni adoptis kiel nacian himnon unuafoje en 1795 (Unua Franca Respubliko); ekde 1879 ĝi denove fariĝis la nacia himno. Ĝi estis kanto ankaŭ de revolucianoj kaj liberanoj en Eŭropo, kelkajn unuajn monatojn de sovetia potenco en Rusio ĝia melodio (kun aliaj, netradukitaj vortoj) estis uzata kiel himno de la Soveta Rusio.

La kanto konsistas el 7 strofoj, inter kiuj la sepa estis poste verkita, kaj nur 3 nun estas ankoraŭ uzataj (1, 6 k 7).

Teksto de la Marseljezo

Originalo	Esperanta traduko
1-a strofo
Allons enfants de la patrie, Le jour de gloire est arrivé ! Contre nous de la tyrannie L'étendard sanglant est levé ! (bis) Entendez-vous dans les campagnes Mugir ces féroces soldats ? Ils viennent jusque dans nos bras Égorger nos fils, nos compagnes !	Ni iru, infanoj de la patrujo, la glora tago alvenis! Kontraŭ ni de la tiraneco la standardo sanga estas levita! (dufoje) Ĉu vi aŭdas en la kamparo bleki tiujn sovaĝajn soldatojn? Ili venas ĝis inter niaj brakoj buĉi niajn filojn, niajn kunulinojn!
Rekantaĵo
Aux armes, citoyens ! Formez vos bataillons ! Marchons ! Marchons ! Qu'un sang impur abreuve nos sillons !	Civitanoj, prenu la armilojn! Formigu la batalionojn! Ni marŝu! Ni marŝu! Ke malpura sango verŝiĝu en niajn sulkojn!
6-a strofo
Amour sacré de la patrie, Conduis, soutiens nos bras vengeurs ! Liberté, Liberté chérie, Combats avec tes défenseurs ! (bis) Sous nos drapeaux, que la victoire Accoure à tes mâles accents ! Que tes ennemis expirants Voient ton triomphe et notre gloire !	Sankta amo de la patrujo Konduku, tenu niajn brakojn venĝemajn! Libereco, Libereco kara, Batalu kun viaj defendantoj! (dufoje) Sub niaj flagoj, venko alkuru al viaj viraj vokoj! Viaj malamikoj mortantaj vidu vian triumfon kaj nian gloron!
7-a strofo
Nous entrerons dans la carrière Quand nos aînés n'y seront plus ; Nous y trouverons leur poussière Et la trace de leurs vertus. (bis) Bien moins jaloux de leur survivre Que de partager leur cercueil, Nous avons le sublime orgueil De les venger ou de les suivre !	Ni eniros en la karieron kiam niaj prauloj ekskarieros; ni trovos tie ilian korpopolvon kaj la spuron de iliaj virtoj. (dufoje) Malpli enviantaj postvivi ilin ol kunkuŝi en iliaj ĉerkoj, ni havos la superan orgojlon venĝi aŭ sekvi ilin!

Unu ĉapitro de Sternstunden der Menschheit de Stefan Zweig temas pri la ekesto de la Marseljezo.

Esperanta traduko de Jacques Manceau

1-a strofo

O vi de patruj' la infa-(a)noj

Por la glor' alvenis la tag'!

Malamike de la tiranoj

Flirtas kontraŭ ni tiu flag'!

Flirtas kontraŭ ni tiu flag'!

Aŭdu nun sur niaj kamparoj

Muĝas la kruela soldat'

Li celas nun al morta bat'

Por la filoj kaj niaj patroj!

Rekantaĵo

Alarm, civitanar'! formiĝu regiment'!

Tuj sen atend'

Ni marŝu al patruja la defend'!

2-a strofo

Sed kion celas tiuj skla-(a)voj

Ĉu por ni estas la katen'?

Ni tuj iru al niaj glavoj

Estu for de ni tiu ĉen'!

Estu for de ni tiu ĉen'!

O Francoj estas ja insulto

Kredi nin submeti sen pen'!

Naskiĝu de ĝi l'abomen'

Kiu venkos por liber-kulto!

3-a strofo

O Francoj militistoj no-(o)blaj

Vi frapu al la perfidul'

Viaj batoj estu duoblaj

Kaj vi frapos eĉ sen makul'!

Kaj vi frapos eĉ sen makul'!

Sed malfeliĉa la viktimo

Kontraŭ ni armita sen vol'

Ni gardu de ni la kontrol'

Murdi ĝin ja estus nur krimo!

Eksteraj ligiloj

• http://www.elysee.fr/elysee/francais/les_symboles_de_la_republique/la_marseillaise/la_marseillaise.21106.html Arkivigite je 2010-04-14 per la retarkivo Wayback Machine la Marseljezo] en la oficiala retejo de la Elizeo]
• http://news.bbc.co.uk/olmedia/995000/audio/_998481_france.ram La Marseljezo] elŝutebla
• http://marseillaise.org/english Folia muziko, historio, kaj muziko]
• Tuta teksto, sono, notoj