Kvaternara strukturo
Kvaragrada, Kvararanga aŭ Kvaternara strukturo temas pri la ariĝo de proteinaj unuoj en specifajn figurojn.
Kelkaj proteinoj konsistas el agregaĵoj de individuaj proteinaj subunuoj kiuj estas sendependaj en la senco ke ili ne estas ligitaj unu al la aliaj per kovalentaj ligoj. Ilin kuntenas diversaj surfacaj interagoj. Hemoglobino estas bona ekzemplo de ĉi tiu fenomeno. Natura hemoglobino konsistas el kvar polipeptidaj ĉenoj kuntenataj en specifa, iom sfereca konfiguracio. Perdo de biologia aktiveco kutime akompanas la disrompon aŭ detruiĝon de la kvaternara strukturo de proteino—tiu ĉi ne plu plenumas sian funkcion.