Konstantinopola Ortodoksa Eklezio

Ekumena Patriarkato de Konstantinopolo
Orientiĝo	Ortodoksa
Origino	330
Patrono	Sankta Andreo
Nombro de membroj	3 500 000
	v • d • r

Konstantinopola Ortodoksa Eklezio
ortodoksisma patriarkujo
Lando(j)	Turkio vd
Sidejo	Istanbulo
Situo	Fatih
Fondinto(j)	Sankta Andreo • Johano la Apostolo vd
Lingvoj	Katarevusovd
Retejo	Oficiala retejo
	v • d • r

La Konstantinopola Ortodoksa Eklezio, aŭ Ekumena Patriarkato de Konstantinopolo (greke Oικουμενικό Πατριαρχείο Kωνσταντινουπόλεως) estas unu el la dek kvin aŭtokefalaj ortodoksaj eklezioj. Ĝi estas estrata de la Patriarko de Konstantinopolo, kiu ankaŭ estas la Ekumena Patriarko de la Ortodoksa Eklezio. La titolo Ekumena estas nur honora, ĉar li ne havas jurisdikcion en la aferoj de la aliaj ortodoksaj aŭtokefalaj eklezioj. La Patriarko ricevas la honoran superecon (primus inter pares -unua inter egalaj-) inter la ortodoksaj ekleziestroj. Nuntempe li regas eklezion de ĉirkaŭ 3,5 milionoj da kredantoj en la diasporo, kaj ankaŭ la ortodoksanojn de Turkio kaj la insulojn de la Egea Maro.

Historio de la Patriarkato

Kiam en 324 la romia imperiestro Konstantino la 1-a fiksis la novan ĉefurbon en Bizancio nomante ĝin Konstantinopolo, la supereco de la eklezio estis de la episkopo de Romo; Estis kiam Konstantino kunvokis en 325 la Unuan Ekumenan Koncilion okazinta en Niceo en kiu, inter aliaj doktrinaj decidoj, la eklezio estis organizita en patriarkatoj kaj diocezoj, samrangaj kiel la patriarkatoj Romo, Aleksandrio, Antioĥio kaj Jerusalemo, kies estroj ricevis la titolon "ĉefepiskopo".

Poste en la Dua Ekumena Koncilio okazinta en Konstantinopolo en 381 decidiĝis ke la episkopo de Konstantinopolo ricevos la titolon Patriarko kaj samrange kiel la episkopo de Romo. En la Kvara Ekumena Koncilio okazinta en Kalcedono en 451 agnoskiĝis al Konstantinopolo samrange kiel Romo, kvankam al la roma episkopo estis agnoskata morala aŭtoritato sur la ceteron de la aliaj patriarkoj. En tiu ĉi koncilio la konstantinopola episkopo ekricevis la titolon Ekumena Patriarko.

Aktualaj eventoj

La 11-an de oktobro 2018, la Sankta Sinodo de la Konstantinopola Ortodoksa Eklezio nuligis tomoson (eklezian decidon) pri subiĝo de la Ukraina Ortodoksa Eklezio al la Rusa Ortodoksa Eklezio. Pli detale ĉe Vikinovaĵoj.
Sekve al tio, la 15-an de oktobro 2018 la Sankta Sinodo de la Rusa Ortodoksa Eklezio decidis ĉesigi plenan komunion kun la Konstantinopola Ortodoksa Eklezio, akuzinte tiun pri invado en sian kanonan teritorion. Pli detale ĉe Vikinovaĵoj.