La Innviertel (prononco [INfirtl], laŭvorte "Inn-kvartalo", en oficialaj nomoj ankaŭ Innkreis), estas regiono de Aŭstrio kaj konsistigas unu el la kvar historiajn regionojn de la federacia landoSupra Aŭstrio, nome ties nordokcidentan parton. La regiono nomatas laŭ la rivero Inn. La ekzaktaj nuntempaj limoj nur fiksiĝis en la 19-a jarcento, lige al tiutempa kreo de la nunaj politikaj distriktoj de la federacia lando. La teritorio ampleksas la distriktojn Braunau am Inn, Ried im Innkreis kaj Schärding. Plej granda urbo estas Braunau am Inn. Historie, granda parto de la regiono ĝis la jaro 1779 apartenis al Bavario.
La tri pliaj historiaj regionoj de Supra Aŭstrio estas la Hausruckviertel (nomata laŭ la montoĉeno Hausruck), la Innviertel (nomata laŭ la rivero Inn), la Mühlviertel (nomata laŭ la riveroj granda kaj malgranda Mühl) kaj la Traunviertel (laŭ rivero Traun).
Vikimedia Komunejo: Innviertel [+]
