Hellsau

Hellsau
	Blazono de Hellsau
	Blazono de Hellsau
	Hellsau
	Vilaĝeniro de Hellsau venante de Höchstetten; ĉe la kantona ĉefvojo n-ro 1
komunumo en Svislando
Kantono	Berno
Administra distrikto	Emme-Valo
Malnova distrikto ĝis 2009	Burgdorf
Geografia situo	CH1903: 615906 / 221437 (mapo)47.143727.64832Koordinatoj: 47° 9′ N, 7° 39′ O; CH1903: 615906 / 221437 (mapo)
Nombro de loĝantoj	193
Areo	1,48 km²
Alteco	478 m super marnivelo
Poŝtkodo	3429
Komunumkodo	0408
	Mapo de Hellsau
	Mapo de Hellsau
	v • d • r

Hellsau estis ĝis la 31-a de decembro 2009 komunumo de la distrikto Burgdorf kaj ekde la 1-a de januaro 2010 komunumo de la administra distrikto Emme-Valo en Kantono Berno, Svislando. Ĝi havis 193 loĝantojn je la 31-a de decembro 2010.

Geografio

Hellsau situas en la Svisa Mezlando inter Herzogenbuchsee kaj Burgdorf, oriente de la flotebenaĵo de la rivero Emme. La relative malgranda komunumo konsistas el la tri setlejoj Freienhof, Hellsau kaj Mösli, kiuj viciĝas laŭlonge de la kantona ĉefvojo n-ro 1. La nordan limon de la komunumo formas la rojo Chrümelbach, kiu alfluas al Oesch. La plej alta punkto situas en sudo sur la deklivo de Grossholz sur alteco de 571 m s.m. La komunumoj Alchenstorf, Hellsau, Höchstetten, Koppigen kaj Willadingen formas la komunumasocion Koppigen.

La teritorio de la komunumo etendiĝas sur areo de 1,48 km², de kiuj 23,6% estas kovritaj de arbaro, 70,2% servas por agrikulturo kaj 6,6% por setlado.^[1]

Najbaraj komunumoj

La komunumo Hellsau limas en nordo al Heinrichswil-Winistorf (SO), en oriento al Seeberg, en sudo al Alchenstorf, kaj en okcidento al Höchstetten.

Trafiko

Tra la komunumo pasas la kantona ĉefvojo n-ro 1 de Berno al Zuriko, laŭ kiu viciĝas tri setlejoj de la komunumo. La plej proksima alveturejo al la svisa aŭtovojo A1 situas en Kirchberg den distanco de proksimume 7 kilometroj sudokcidente. La unika konekto al la publika transportreto estas la nokta buso nr-o M12 de Bero al Langenthal respektive Wangen ĉe Aro dum la noktoj de vendredo al sabato respektive sabato al dimanĉo.

Historio

La unua dokumenta mencio de Hellsau datiĝas el la jaro 1275 kiel Hellesowe. Apud la bieno de la familio Äbi estis trovita frumezepoka tombokampo, kie verŝajne situis la en 1275 kaj 1353 menciita kaj post la reformacio malkonstruita preĝejo. Ĝis la Helveta Revolucio Hellsau apartenis al la tribunala distrikto Koppigen, kies historian sorton ĝi dividis. Dum la tempo de la Helveta Respubliko de 1798 ĝis 1803 Hellsau apartenis al la distrikto Wangen. Ek de 1803 ĝi estis komunumo de la distrikto Burgdorf, kiu en la jaro 2010 plej parte estis integrita al la administra distrikto Emme-Valo.^[2] Ek de 1820 la komunumo kune kun la najbara komunumo Höchstetten funkciigas la bazan lernejon Moos.^[3]