Bandar-e Anzali

Bandar-e Anzali · بندر انزلی
urbo de Irano vd
Administrado
Lando	Irano
Provinco	Gilano
Telefonkodo	0181
En TTT	Oficiala retejo [+]
Demografio
Loĝantaro	118 564 (2016) [+]
Geografio
Geografia situo	37° 28′ N, 49° 27′ O (mapo)37.47305555555649.457777777778Koordinatoj: 37° 28′ N, 49° 27′ O (mapo) [+]
Alto	−20 m [+]
Horzono	UTC+03:30
	Bandar-e Anzali · بندر انزلی (Irano)
	Situo de Bandar-e Anzali · بندر انزلی
Alia projekto
	Vikimedia Komunejo Bandar-e Anzali [+]
	v • d • r

Bandar-e Anzali aŭ Bandar-e Enzeli aŭ Haveno Anzali (perse بندر انزلی, Bandar-e Pahlavi (perslingve: بندر پهلوی) antaŭ la Irana revolucio estas urbego, havenurbo kaj ripozloko en norda Irano, en Provinco Gilano laŭ bordo de la Kaspia maro. La urbego estas ĉefurbo de la samnoma distrikto. En la loknomo Bandar signifas: haveno, tial la pli mallonga nomformo estas Anzali.

Bazaj informoj

37° 28′ 22″ N 49° 27′ 44″ O / 37.47278 °N, 49.46222 °O / 37.47278; 49.46222 (mapo)
Supermara alteco: m
Loĝantaro: 118,564 en 2016
Horzono: UTC + 3:30; somere UTC + 4:30
Telefonkodo: (+98) 181

Geografio

Bandar-e Anzali konstruiĝis sur du sablaj duoninsuloj, ĉe la Mordab-laguno. La haveno troviĝas inter la du duoninsuloj. Proksima metropolo estas Raŝto.

Historio

Bandar-e Anzali estas malnova urbo en la antikva Irano. Longe ĝi estis sekura haveno por komercŝipoj kaj fiŝkaptistaj boatoj. En 1919 dum la kolapso de la kontraŭsoveta (blanka) rusa armeo dek ok el liaj ŝipoj serĉis rifuĝon en Anzali. En la sekva jaro la sovetia floteto de dek tri ŝipoj faris surprizatakon en Anzali, konkerante la britan garnizonon kaj la dek ok blankajn rusajn ŝipojn. La sovetianoj (ruĝuloj) deklaris la Gilanan Sovetan Respublikon, kiu falis en 1921. La havenurbo prenis la nomon Pahlavi en 1935. Dum la 2-a mondmilito en 1942 evakuita pola trupo ŝipe alvenis al Anzali.

Ekonomio

Bandar-e Anzali ankaŭ hodiaŭ estas la plej granda kaspia haveno de Irano. La varma kaj humida vetero permesis al tiu regiono kultivi rizojn kaj teojn. La urbego estas centro de produktado pri kaviaroj, tio estas plene ŝtatmonopolo.

Klimato

Bandar-e Anzali havas la plej humidan klimaton en Irano, havante mediteranean klimaton. Jare estas precipitaĵo po 1853,5 mm. En ĉiuj monatoj pluvas, tamen inter septembro-decembro pli ofte.

Trafiko

Bandar-e Anzali havas trairan vojon, kiu sekvas la marbordon, estas elbranĉiĝo al la meza landparto. Estas bona ligo aŭtovoje kun Mazenderano, Azerbajĝano kaj Teherano. La urbego estas ligita per du pontoj al la proksima insulo.