Andratx

Andratx
	Blazono
municipo en Hispanio
Ŝtato	Hispanio
Aŭtonoma Komunumo	Balearoj
Provinco	Balearoj
Komarko	Serra de Tramuntana
Poŝtkodo	07150
Areo	81,5 km²
Alteco	101 m.
Distanco	25 km km de Palma
Loĝantaro	12 062 loĝ. (2024)
Retejo	http://www.andratx.es/
Koordinatoj	39° 34′ N 2° 25′ O / 39.567 °N, 2.417 °O (mapo)
	Andratx (Majorko)
	Situa mapo de Majorko
	v • d • r

Andratx [andrAĉ] (kastilie Andraitx aŭ Andrach) estas komunumo kaj vilaĝo sur insulo Majorko, la plej okcidenta el ties komunumoj. Kun areo de 81,5 km² kaj 11.682 loĝantoj (en 2010) ĝi havas loĝdenson de 143/km².

La komunumo konsistas el jenaj kvin setlejoj (parenteze la loĝantar-nombro en la setlejo kaj kun la ĉirkaŭaĵo):

Andratx (6444 / 6929)
Es Camp de Mar (197 / 231)
Port d’Andratx (2548 / 3033)
Sant Elm (341 / 369)
S’Arracó (521 / 786)

Kiel montras la listo, preskaŭ ĉiuj komunumanoj vivas en la sideja setlejo aŭ en ties marborda havenejo Port d'Andratx (= haveno de Andratx). Pro la agrabla klimato, la marhaveno kaj la turisma infrastrukturo tie estas ne nur multaj turistoj, sed ankaŭ konstante loĝantaj alilandanoj (29,6 % aŭ 3.081 en 2006).

La provinca vojo Ma-1 ligas la setlejon Andratx sud-okcidenten al Port d'Andratx kaj orienten al la ĉefurbo Palma. Ĝi estas parte kvarkoridora.

Super la setlejo Andratx situas impona defend-kirko, la preĝejo de St-a Maria.

Al la komunumo apartenas la insulo Sa Dragonera, 4 km longa, kiu estas la plej okcidenta (administra) parto de Majorko.