Şıma şenê pê portalê LGBTi miyanê Wikipediya Zazaki de zerrekê nuştannê LGBTi bıvênê u bıgeyrê.
LGBTi
LGBT (namê GLBTi zi gêno) kılmkerdışo ke herfanê lezbiyen, gey, biseksuel u transgenderi ra yeno pêra. Serra 1990ıne de akronimê LGBi ra tepeya veto, serranê 1980an ra dıma zi herunda geyi de guriyeno u cematê LGBTi moteno, inan temsil keno. Xeylê çımeyan de guriyayışê cemaetê geyan kemi maneno u coka xeylê cayan vêrdo ra guriyayışê cemaetê LGBTi. Heteroseksuel, lezbiyen, gey, biseksuel u transgender heme inan kewnê zerrekê seksê merduman u heme inan xısusiyetê merduman miyan de amariyenê, yewbinan ra nêabırriyenê. Kılmkerdışê terimê LGBTi de namê bınênê ke kewnê zerrekê terimê LGBTi, hetê cêrêni de nusiyenê: Lezbiyene merduma maykiya ke maykiyan sinena, inan ra hes kena, aye rê vaciyena. Gey merdumo neriyo ke neriyan sineno, inan ra hes keno, ey rê vaciyeno. Biseksuelo zi merdumo ke her dı cınsan zi sineno inan ra hes keno, cı rê vaciyeno...dewamê cı.
Biyografiya weçinıtiye
Xavier Bettel (biyayışi cı. 3 Mart 1973) yew politikano, avoqato u serdari Luksemburgio. Bettel serra 1973 dı maya xo ra ameyo dınya. O serdaro vist u çeharıno Luksemburgıco. Betteri kar Jean-Claude Junckeri ra gırewto, tarixi 2 Gağand 2013y dı. Ey averi serey sûka Luksemburgi biyo, wıni guriyo. Heto bin ra odani wekilan u konsili şarıstani Luksemburgi dı zi kar kerdo. Battel be xo partiya Demokratike ra bestiyeno. Maya cı bazırgana, nêm Fransız u Rusa. Aye laci xo qeyd kerd, Betteri zi kewto wendegey Ewropa. Ey dıma Universıtey Nancy 2 dı politika wenda, kewto politika. O têdıma aver şiyo, biyo serdari Luksemburgi.
Better be xo geyo u hemcınsbazo verêno ke serdari Luksemburgi weçıniyao. Parnteri cı Gauthier Destenayo, inan 2015 dı veyve kerdo. Luksemburgi zı qanuni zeweci hemcınsbazan 1 Çıle 2015 dı kerdo heruna cı, qebul kerdo. dewamê cı.
Nuşteyo weçinıte
Homofobi nefret, tersayış u diskriminasyono ke hemcınsbazan sero beno. Vate ya zi hereketo ke xo ser de homofobi beno, cı rê homofobik yeno vatene. Ornagên texmin beno ke her çewres u heşt saete de yew merdumo ke hemcınsbazo zulımê homofobiki vênêno u kışiyeno. Tayê dewletan de homofobi kewno zereyê sucan.
Lezbofobi zi oyo ke, merdumê ke lezbiyenê, inan ra tersayışo u inan sero diskriminasyon (cırakerdış) vıraştışo. Riyê sistemê patriyaki ra merduman miyan de lezbofobi homofobi ra gore taynêr vêniyeno.
Bifobi zi tepıtışo negatifo ke vera merdumê biseksueli dero.[1] Biseksueli vera her dı cınsan zaf akerde vêniyenê, coka bifobi hem heteroseksuelan miyan de zi hemcınsbazan miyan de zi aseno. Bifobi merdıma miyan dı taynêr yeno vinayış, coka biseksueli ê binan ra gore deha rehatê.
Asayışo weçinıte
Camêrdo tenya, kari fotoğrafkeri Almani Wilhelm von GloedeniCamêrdo tenya, kari fotoğrafkeri Almani Wilhelm von Gloedeni.
Merdımo weçinıte
Colton Lee Haynes (b. Temuze 13, 1988) modelo u aktoro Amerikano. Key ke o biyo pancês serri suka New Yorki de kewto ajansê Haynes Abercrombie & Fitchi u inan rê kar kerdo. Ey keyey xo Los Angelesi ra berdo Kaliforniya vêrdo ra uca. O kewto seriyanê têlevizyoni miyan, kayker biyo. Seriyê MTVi Teen Wolf de be rolê Jackson (Kanima) kay kerdo, rol gırewto. Naw zi o be rolê Roy Harperi ra Arrowi de performans mocneno, kay keno u rol gêno. Haynesi aşma Gulane de 2016 de kerdo a ke o hemcınsbazo. O desteg dano heqanê hemcınsbazan ...dewamê cı.
_-_n._G_0263_-_Caino,_ca._1902.jpg)
