Llwydfelyn

Colias croceus
	O dan yr adain
Dosbarthiad gwyddonol
Teyrnas:	Animalia
Ffylwm:	Arthropoda
Dosbarth:	Insecta
Urdd:	Lepidoptera
Teulu:	Pieridae
Genws:	Colias
Rhywogaeth:	C. croceus
Enw deuenwol
	Colias croceus; (Geoffroy, 1785)
Cyfystyron
	Colias croceus f. deserticola Verity, 1909; Colias croceus f. helice; Colias croceus f. helicina Oberthür, 1880; Colias croceus f. mediterranea Stauder, 1913; Colias edusa (Fabricius, 1787) (non Fabricius, 1777: Pontia edusa); Colias edusa f. obsoleta Grüber, 1929; Papilio croceus Fourcroy, 1785; Papilio edusa Fabricius, 1787 (non Fabricius, 1777: Pontia edusa)

Glöyn byw sy'n perthyn i urdd y Lepidoptera yw llwydfelyn; yr enw lluosog ydy llwydfelynion; yr enw Saesneg yw Clouded Yellow, a'r enw gwyddonol yw Colias croceus.^[1]^[2]

Tiriogaeth

Eu tiriogaeth yw de Ewrop hyd at Twrci a'r Dwyrain Canol. Yn yr haf yn unig maen nhw'n ymfudo i Ewrop. Yng ngwledydd Prydain fe'u canfyddir ar arfordir deheuol Lloegr bron yn flynyddol ac yn achlysurol mewn mannau eraill. Maen nhw wedi'u gweld hefyd mor ogleddol â Dumfries yn Galloway yn yr Alban.

Ceir miloedd ohonynt ar adegau'n ymfudo gyda'i gilydd a gelwir y blynyddoedd hyn yn "flynyddoedd y cymylau melyn": 1877, 1947, 1983, 1992, 1994, 1996 a 2000.

Bwyd

Eu prif fwyd ydy is-deulu'r Faboideae e.e. meillion (Trifolium) ac Alfalfa (Medicago sativa) ac ar adegau Lotus corniculatus.

Y cylch bywyd

Yn ne Ewrop a gogledd Affrica maen nhw'n bridio drwy'r flwyddyn. Mae'r wyau'n cael eu dodwy ar y dail y byddant yn eu fwyta. Fe'u dodwyir yn unigol ar y dail. yn aml maen nhw'n troi'n chwiler o fewn tua mis; ar ôl tua tair wythnos maen nhw'n deor. Ceir tair cenhedlaeth ar adegau ac fe welir yr oedolyn ar ei adain hyd at gychwyn Tachwedd.

Cyffredinol

Gellir dosbarthu'r pryfaid (neu'r Insecta) sy'n perthyn i'r Urdd a elwir yn Lepidoptera yn ddwy ran: gloynnod byw a gwyfynod. Mae'r dosbarthiad hwn yn cynnwys mwy na 180,000 o rywogaethau mewn tua 128 o deuluoedd.

Wedi deor o'i ŵy mae'r llwydfelyn yn lindysyn sy'n bwyta llawer o ddail, ac wedyn mae'n troi i fod yn chwiler. Daw allan o'r chwiler ar ôl rhai wythnosau. Mae pedwar cyfnod yng nghylchred bywyd glöynnod byw a gwyfynod: ŵy, lindysyn, chwiler ac oedolyn.

Gweler hefyd

Cyfeiriadau

↑ Gwefan Cyngor Cefn Gwlad Cymru. Cyngor Cefn Gwlad Cymru. Adalwyd ar 29 Chwefror 2012.
↑ Geiriadur enwau a thermau ar Wefan Llên Natur. Adalwyd 13/12/2012.

[1] Gwefan Cyngor Cefn Gwlad Cymru. Cyngor Cefn Gwlad Cymru. Adalwyd ar 29 Chwefror 2012.

[2] Geiriadur enwau a thermau ar Wefan Llên Natur. Adalwyd 13/12/2012.

[1]

[2]