Хура йытçырли

Ку терминăн урăх пĕлтерĕшсем пур, Соланум (пĕлтерĕшсем) пăхăр.

Паслён чёрный (лат. Solánum nígrum) — йыт çырли йышĕнчи биологи тĕсĕ. Евразинчен тухнăскер, халĕ Америка тата Австралинче те тĕл пулать.

Чăвашла, кулленхи калаçура, йыт хурлăханĕ теме пултараççĕ. Анчах та ăслав шайĕнче апла асăнма меллех мар.

Якоб Штурмăн Deutschlands Flora in Abbildungen, 1796 кĕнекинчи Ботаника ӳкерчĕкĕ

Пĕр çул ӳсекен 30—120 см çӳллĕш тӳрĕ пайланакан тыналлă курăк. Шурă чечекĕсем çăлтăр евĕр пилĕк çунатлă. Çимĕçĕ - пăрçа пысăккăш хура çырла, çурла-авăн уйăхĕсенче пиçет.

Хура йытçырлин çимĕçĕсем

Токсин

Курăкĕнче тата пиçмен çырлинче наркăмăшлă алкалоид соланидин пур, çавăнпа вĕсене çиме юрамасть.

Усă курни

Йыт çырли çимĕçĕсем

Хăшпĕр çĕршысенче, ытларах Индипе Эфиопинче, тата Раççейре пиçнĕ çырлисене çиеççĕ. Вырăссем ăна поздника, вороняжка, бздника тесе калалаççĕ. Пиçнĕ çырлисене чĕрĕлле çиеççĕ, кукăль ăшне хураççĕ, варенисемпе кĕселсем хатĕрлеççĕ.

Çав. пекех

• Санберри

Вламалли

• Губанов И. А., Киселёва К. В., Новиков В. С., Тихомиров В. Н. Иллюстрированный определитель растений Средней России. В 3-х томах. — М.: Т-во науч. изд. КМК, Ин-т технолог. иссл, 2004. — Т. 3. Покрытосеменные (двудольные: раздельнолепестные). — ISBN 5-87317-163-7

Каçăсем

• Solanum nigrum (Purdue University)
• Хура йытçырли: информаци GRIN сайтĕнче(акăлч.) (2009 çулхи Ҫу уйӑхӗн 23-мĕшĕнче тĕрĕсленĕ.)
• Хура йытçырли: информаци «Энциклопедия жизни» сайтĕнчи (EOL)(акăлч.) (2009 çулхи Ҫу уйӑхӗн 23-мĕшĕнче тĕрĕсленĕ.)
• Solanum nigrum L. (акăлч.). IPCS Poisons Information Monograph (PIM) 501. IPCS. çăлкуçран архивланă 19 Пуш уйӑхӗн 2014. Тĕрĕсленĕ 19 Пуш уйӑхӗн 2014.