Ghjallina (Arisarum vulgare)
| |||||
|---|---|---|---|---|---|
.jpg)
| |||||
| Arisarum vulgare | |||||
| Classificazione scentifica | |||||
| Regnu | Plantae | ||||
| Divisione | Magnoliophyta | ||||
| Classa | Liliopsida | ||||
| Ordine | Alismatales | ||||
| Famiglia | Araceae | ||||
| Generu | Arisarum | ||||
| Nome binuminale | |||||
| Arisarum vulgare Linnaeus, 1753 | |||||
| |||||
A Ghjallina (Arisarum vulgare) hè una pianta chì face parte di a famiglia di l'Araceae.[1] Si trova in tutti i paesi di i circondi di u Mare Terraniu. Si scontra à spessu in a machja, ma piuttostu in i lochi adumbrati. U nome corsu vene da a sumiglia di 'ssa pianta incù una ghjallina.
Tassonumia
[mudificà | edità a fonte]Parechji sinonimi d'arisarum vulgare sò:
- Arisarum vulgare veslingii Holmboe
- Arisarum vulgare incurvatum Holmboe
- Arisarum vulgare clusii K.Richt.
- Arisarum forbesii Schott
- Arisarum balansae Schott
Descrizzione
[mudificà | edità a fonte]
A ghjallina hè una pianta tisgia è rizomatosa chì misura da 15 à 30 cm d'altezza. E so casce, ovale, à forma di core, è purtate da longhi piccioli, sò alte da 10 à 16 cm è larghe da 7 à 10 cm. Sò di un culore verde vivu è qualchì volta maculate di machje più chjare. I fiori emergenu di u frundame da nuvembre à marzu. L'infiuriscenza forma una spata è un spadice. A spata, tubulare, hè bianca, incù strisce verde o purpure. Da a spata, emerge un longu spadice verdicciu è strettu, à mazza terminale nuda, è incurvatu ver'di l'avanti. I fiori, monoichi, sò ragruppate intornu à a basa di u spadice. I fiori femini sò maturi nanzu à i masci cù u fine di evità l'autoimpullinazione. I frutti sò ragruppati in parechje piccule cuppette verde cuntinendu da dui à ottu granelli.
Ripartizione
[mudificà | edità a fonte]A ghjallina stà in e terre inculte, in i prati è in i lochi rucciosi,, per u più in zone adumbrate, è situate da 0 à 800 metri à u sopra di u livellu di u mare.
A ghjallina hè cumuna in Corsica. Hè ancu chjamata "l'alusi" o a "lumirella". In a machja, hè assuciata à spessu incù l'appicicamanu, l'uvetta, u fior' di cuccu, l'orechja di porcu o u listincu (Gamisans 1993).
Note
[mudificà | edità a fonte]Referenze
[mudificà | edità a fonte]- Gamisans, J. & Jeanmonod, J. (1993) Catalogu di i pianti vascularii di Corsica - Catalogue des plantes vasculaires de la Corse, Cunservatoriu è giardinu botanicu di a cità di Geneva: Geneva (in francese)