Romeo Nic Bonsocan

Romeo Nicolas Bonsocan
Natawo	(2-05-1992) 1992 Mayo 2 Carcar, Sugbo

Si Romeo Nicolas Bonsocan (nailhan usab sa dagangalang Piero Aldaya) usa ka batan-ong magsusulat sa pinulongang Binisayang Sinugboanon kansang alampat naglangkob sa pagsulat og sugilanon, balak, artikulo, gumalaysay, eskrip sa komiks, ug mga bag-ong pamaagi sa panulat sama sa sugilakbit (flash fiction).

Nagpuyo siya dakbayan sa Carcar, habagatang Sugbo. Natawo siya sa Carcar District Hospital kaniadtong Mayo 2, 1992 sa iyang inahan nga si Virginia Bonsocan. Kasamtangan siyang nagtungha sa University of the Philippines-Cebu sa kursong Bachelor of Science in Computer Science. Palaran siyang nagtungha niining maong unibersidad tungod sa tunghaan niya paghayiskol nga nagpaila kaniya sa tunghaan ug nahimong dalan sa pagkuha niya ug pagpasar sa UPCAT kaniadtong Agosto 3, 2008. Gipaningkamotan niyang mabalanse ang iyang pagtuon ug pagsulat.

Natapos siya sa elementarya sa Upland Elementary School sa dakbayan sa Carcar ug migradwar kaniadtong Abril 4, 2005. Nakuha niya ang iyang diploma sa hayiskol sa St. Catherine’s College kaniadtong Marso 21, 2009.

Usa sa iyang hilig ang pagpanulat tungod sa PressCon nga iyang nasinati niadtong tinun-an pa lamang siya sa elementarya. Sa iyang hayiskol, nabaid ang iyang hilig sa kapanulatang piksiyon sa Bisaya. Tungod sa programa sa Bisaya magasin nga Young Blood Writer, mitubag siya sa hagit nga makamantala sa iyang balak ug sugilanon sa mga panid sa Binisaya. Tungod sa kakulang sa impormasyon bahin sa panulat, nagsunod-sunod og kalagpot sa basurahan ang iyang mga sinulat. Bisan pa man, wala siya moundang sa pagpanulat; tungod usab sa tabang sa mga editor sa magasin.

Unang nabasahan ang iyang ngalan sa pahina sa Bisaya kaniadtong Hulyo 26, 2006 dihang namantala ang iyang panganayng balak nga “Ang Pag-eskuyla ug ang Ugma.” Sukad niadtong higayona, nagpunay na siyag sulat bisan pa kapila madagma sa iyang panaw. Kon dili tungod sa tabang ug tambag sa maga editor sa Bisaya labi na ni Richel Dorotan, dili niya makab-ot ang iyang pangandoyng mahimong “Ang Labing Masaarong Bag-ong Magsusulat sa Bisaya sa Tuig 2010” [1] sa ika-80 nga kasumaran sa Bisaya kaniadtong Agosto 18, 2010 nga gula.

Ang duha niya ka sugilanong “Si Taz” ug “Terminal” dili mamugna sa ingon kon wala pa siya tudloi sa mga teknik sa pagpugong. Apan ang iyang panaw sa pagpanulat dili mohunong kay nakab-ot na niya ang iyang damgo. Padayon siyang magsulat tungod sa iyang dakong gugma niini.

Mas dakong kalibotan na ang iyang gilaktan karon. Mas maningkamot siya nga mahimong angayan sa titulo nga gihatag niya. Pinaagi sa mga sinulat, gusto niyang mapaambit ang iyang kahibalo sa tinuod nga hulagway sa kalibotan base sa mga nakit-an sa iyang duha ka mata.

Siya ang usa sa mga nagpasiugda sa Katitikan, ang giila nga Literary Journal of the Philippine South. Usa kini ka website nagmantala og mga sinuwat sa 21st century literature in the Philippines.

Napatik nga mga Sinulat

Balak

• Ang Pag-eskuyla ug ang Ugma (Bisaya Magasin Hul. 26, 2006)
• Kalibotan sa Pantasya (Bis. Disyembre 6, 2006)
• Ligid sa Kinabuhi (Bis. Septiyembre 24, 2007)
• Rosas (Bis. Marso 5, 2008)
• Sawing Pag-ibig (Liwayway Magasin Nob. 24, 2008)
• Pagpintal sa Hangin (Bis. Marso 18, 2009)
• Ang Mga Hulagway nga Gilingo-lingoan ni Rizal (Bis. Hulyo 7, 2010) [2]
• paggawas sa itom nga kahon (Bis. Hulyo 28, 2010)

Sugilanon

• Ug Mibuntag Ang Nagmultong Kagabhion Sa Kinabuhi Ni Juana dela Cruz (Bis. Hul. 18, 2007)
• Ang Tabanog ni Joseph (Bis. Mayo 21, 2008)
• Ang Tinuod nga Higala (Bis. Oktubre 1, 2008)
• Si Niño, Among Amigo (Bis. Enero 28, 2009)
• Agape (Bis. Abril 22, 2009)
• Kabuakong Kabuntagon (Bis. Hunyo 17, 2009) [3]
• Si Taz (Bis. Marso 24, 2010) [4]
• Sa Akong Pagpauli (Bis. Mayo 26, 2010)
• Ang Lablayp ni Red (Bis. Hunyo 16, 2010)
• Terminal (Bis. Agosto 11, 2010) [5]

Artikulo/ Gumalaysay

• No Deal To Beer! (Bis. Abril 6, 2008) [6]
• Nganong Halinon ang Bisaya? (Bis. Agosto 20, 2008)
• Sa Iyang Yutang Natawhan (Bis. Oktubre 8, 2008)
• Way Papa nga Babaye (Bis. Oktubre 29, 2008)
• Usa Ka Talagsaong Higayon sa Akong Gradwasyon (Bis. Mayo 6, 2009)
• Manlangoy Kita sa Kalipay! (Bis. Mayo 27, 2009)
• Tip Alang Sa Gustog Libreng Edukasyon sa Kolehiyo (Bis. Hunyo 17, 2009)
• Ang Pasko sa Mga Mata sa Bata (Bis. Disyembre 23, 2009)
• Dakbayan sa Sugbo: Iyang Dagway Panahon sa Sinulog (Bis. Enero 20, 2010)
• Makapakurat nga Sugilanon sa Gugma sa Atong Nasodnong Bayani (Bis. Perbrero 17, 2010)
• Kanus-a Ba Gayod Namatay Si Hesus? (Bis. Marso 31, 2010)
• Hulagway sa Biyernes Santo sa Kabkad, Sugbo (Bis. Abril 7, 2010)
• Unsaon Pag-andam ang Kaugalingon sa Kolehiyo? (Bis. Mayo 5, 2010)
• Jejemon: Ang Bag-ong Gikabuangan sa Kabantan-onan (Bis. Mayo 26, 2010, Hunyo 2, 2010)
• Reunion sa Masigastig sa Argao Nature Park (Bis. Hunyo 30, 2010)
• Sa Una Nakong Pagbotar, Sa Unang Higayon nga Automated ang Eleksiyon (Bis. Hulyo 7, 2010)
• Kutob Ka Lang Ba sa Pagbasag Gitikgitik? (Bis. Agosto 18, 2010)
• Ang Papel sa Kabatan-onan sa Katilingban (Bis. Nobiyembre 17, 2010, Nobiyembre 24, 2010, Disyembre 1, 2010)
• Sugbo Panahon sa Pasko (Bis. Disyembre 30, 2010)

Sugilanong Komiks

• Bespren ni Yiel (Bis. Hulyo 9, 2008)
• Ang Bulawan ni Kurt (Bis. Mayo 12, 2010)
• Resiklo (Bis. Hunyo 2, 2010)
• Ang Hulaw (Bis. Hunyo 16, 2010)