war-bouez

Brezhoneg

Etimologiezh

Ger kevrennek savet gant war ha pouez gant ur c'hemmadur dre vlotaat.

Araogenn

war-bouez /warˈbweːs/

1. A verk ar penaos, e pe zoare, gant pe venveg.
   • Ha kerkent e krog Du-pok er morzhol hag e tegas anezhañ da Tad-kozh war-bouez e veg. — (Youenn Brenn, Lomig Boulomig, Keit Vimp Bev, 2007, p. 20.)
   • Mes prest goude e voe kroget enno adarre dre urzh ar prefed Fabian, a yoa bet anvet e plas Kromaz, hag en dro-mañ e voent staget ouzh ur wezenn war-bouez tachoù hir ha lemm sanket en ho zreid. — (Gabriel Morvan, Buez ar Zent, Brest, 1894, p. 422.)
   • War-hed tri c'hant kammed ac'halen e kavi ul leue en-istribilh ouzh ur wezenn, war-bouez e lost hag e zivskouarn. — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 258.)
2. (Bezañ) war-bouez ober udb : war-nes
   • Emañ an dud war-bouez dont er-maez.
   • War-bouez ober ur forniad all emaomp.
   • E oa war-bouez ober e zonj da glask penn an hent da vont d'ar gear, pa welas eun den o werza sitrouilhez. — (Ivon Krog, Eur Zac'had Marvailhou, Buhez Breiz, Kemper, 1924, p. 133.)
   • Emañ an dour war-bouez birviñ, GBPT

Troioù-lavar

• war-bouez nebeut
• war-bouez-penn
• war-bouez-krec'h
• war-bouez-traoñ

Troidigezhioù

• galleg : à l'aide de ^(fr) , au moyen de ^(fr) ; 2) sur le point de ^(fr)

1. Nemet.
   • Skridou int da zidui ha diouz ret, da gentelia, rak holl, war bouez unanig evel « Tri Mab ar Merour », ec’h echuont mat : digollet e vez ar re vat ha kastizet ar re fall. — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 10.)
   • Pevar bloaz warn-ugent e oa, neuze, ha d'ar c'houlz-se n'anaveze ket an darn vrasañ eus ar vro, war-bouez Konk-Kerne ha korn-bro Pont-Aven. — (Herve Gouedard, Paul Sérusier, ul livour e Breizh, Al Liamm, miz Du 2013, p. 120.)

Troidigezhioù

• galleg : sauf ^(fr) , excepté ^(fr) , à l'exception de ^(fr) , hormis ^(fr)

Adverb

Gour	Furm
U1	war ma fouez
U2	war da bouez
U3g	war e bouez
U3b	war he fouez
L1	war hor pouez
L2	war ho pouez
L3	war o fouez
D	war ar pouez

war-bouez /warˈbweːs/

1. Goustad.
   • N'am eus ket gallet ober ma c'hont bremañ-souden, war ma fouez... — (Erwan ar Moal, Bilez hag e vestr, Feiz ha Breiz, Brest, 1926, p. 15.)
   • Charlez a deuas ivez war e bouez, — (Fañch an Uhel, Kontadennoù ar Bobl/1, Al Liamm, 1984, p. 73.)

Adverb

Troidigezhioù

• galleg : doucement ^(fr) , lentement ^(fr) , tranquillement ^(fr)