karv

Gwelet ivez : Karv

Brezhoneg

Ur c'harv

Etimologiezh

(1499) Meneget er C'hatolikon (caru)^[1].

Da geñveriañ gant ar gerioù carw e kembraeg, karow e kerneveureg, caruos e galianeg ; deuet eus ur ger keltiek *karwos, ger-ha-ger « ar c'horneg », deveret eus ar wrizienn indezeuropek *ḱer- « korn », a gaver er gerioù cervus « karv » e latin, kárvė « buoc'h » e lituaneg ha hert « karv » e nederlandeg.^[2] Kar d'ar gerioù korn ha karn.^[3]

Anavezet en anvioù-lec'h (Gwaremm ar C'harv) hag evel anv-tiegezh : Le Carff, Caro, Caroff.

Anv-kadarn

	Unander	Liester
Gourel	karv /ˈkɑː.ro/ /ˈkarw/	kirvi /ˈkir.vi/
Benel	karvez /ˈkar.ves/	karvezed /kar.ˈveː.zet/

karv /ˈkɑː.ro/ pe /ˈkarw/ gourel (liester kirvi, karved, kerved)

1. (Loenoniezh) : Bronneg daskirier gouez (Cervus elaphus), brankoù e penn ar pared. Bevañ a ra a-strolladoù er c'hoadoù.
   • Ret eo gouzout e oa Garhir ker kreñv hag eur marc'h, ha ker skañv hag eur c'haro. — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 206.)
   • Evit eur chaseer ne voa fall ann dervez Kaout eur cʼharo hag eur garvez. — — (G. Milin, Marvaillou grac'h-koz, Brest, 1867, p. 97.)

Doareoù-skrivañ all

En doare-skrivañ etrerannyezhel e vez skrivet karw.

Deveradoù

• karveg
• karvez
• karvig

Gerioù kevrennek

• karv-brug
• karv-dour
• karv-erc'h
• karvgen

• karv-lann
• karv-meur
• karv-raden
• menn-karv

Gerioù kar dre o ster

• heizez

Troidigezhioù

• alamaneg : Rothirsch ^(de)  gourel
• esperanteg : cervo ^(eo)
• euskareg : orein arrunt ^(eu)
• galleg : cerf commun ^(fr)  gourel , cerf rouge ^(fr)  gourel
• gresianeg : κόκκινο ελάφι ^(el) (kókkino eláfi)  nepreizh
• italianeg : cervo nobile ^(it)  gourel
• iwerzhoneg : fia rua ^(ga)  gourel
• katalaneg : cérvol ^(ca)  gourel
• kembraeg : carw coch ^(cy)  gourel

• kerneveureg : karow rudh ^(kw)  gourel
• nederlandeg : edelhert ^(nl)  nepreizh
• okitaneg : cèrvi ^(oc)
• poloneg : jeleń szlachetny ^(pl)  gourel
• sañskriteg : हरिण ^(sa) (hariṇa)
• saozneg : red deer ^(en)
• skoseg : fiadh ^(gd)  gourel
• spagnoleg : ciervo rojo ^(es)  gourel
• turkeg : kızıl geyik ^(tr)

Gwelet ivez

• Ar pennad « karv » e-barzh Wikipedia

Daveoù

Roll an daveoù :

• ^[1] : Ar c'hCatholicon
• ^[2] : Ranko Matasović, Etymological Dictionary of Proto-Celtic, Leyden, Brill, 2009, p. 192.
• ^[3] : Lexique Étymologique des termes les plus usuels du Breton Moderne, p. 55.