Kutaisi

Kutaisi, war ribl ar Rioni

Kutaisi (ქუთაისი e jorjieg, distaget [kʰutʰɑisi]) zo ur gêr vras e Jorjia, an eil kêr vrasañ goude Tbilisi a-fet ar boblañs. Emañ er gornaoueg da Dbilisi, war lez ar stêr Rioni, ha kêr-benn Imereti eo.

Istor

Kêr-benn rouantelezh kozh Kolkida e oa Kutaisi. Kavet ez eus bet aspadennoù eus ar gêr-benn gozh, eus ar VI^vet ha V^vet kantved kent J.K.

E 2011 e oa bet divizet gant gouarnamant Mikheil Saakashvili staliañ parlamant Jorjia e Kutaisi. E miz Mae 2012 e oa bet digoret savadur nevez ar parlamant e Kutaisi gant Saakashvili. Kement-se a oa bet graet evit digreizennañ ar vro hag evit tostaat ar galloud politikel da Abc'hazia, hervez ar prezidant, met abeg a oa bet kavet er cheñchamant gant e enebourien a wele aze un doare da zisteraat ar galloud-lezenniñ e-skoaz ar galloud-seveniñ.

Kêrioù gevellet

Gevellet eo Kutaisi gant ar c'hêrioù-mañ :

Ashkelon (Israel) Baiona (Euskadi) Columbia (SUA) Dnipro (Ukraina) Donetsk (Ukraina) Gəncə (Azerbaidjan) Gyumri (Armenia)

Kars (Turkia) Kharkiv (Ukraina) Lviv (Ukraina) Casnewydd (Kembre) Nikaia (Gres) Plovdiv (Bulgaria) Poznań (Polonia)

Rasht (Iran) Samsun (Turkia) Tianjin (Sina) Gasteiz (Euskadi) Xinhua (Sina)