Rumoh Aceh

Rumoh Aceh atawa nang disambat jua bangaran Krong Bade adalah rumah nang baisi arti religi wan jua adaptasi wan alam. Rumoh Aceh ujar habar adalah upaya masyarakat Aceh gasan maolah garis imajiner wan ka'bah. Adanya Rumoh Aceh mamadahkan status sosial ampun rumah. sabuting nang manjadi kaanehan Rumoh Aceh adalah bangunannya tabuat nang kaya panggung. Jumlah anak tangganyanya jua harus ganjil. Lantai rumah Aceh satinggi 9 kaki atawa labih matan tanah. Tihang panyangga tabuat matan kayu ulin dangan ruang kosong di bawahnya. Rumah Aceh ada babarapa macam, nang panambaian tiga ruang mamiliki 16 tihang wan ada jua nang lima ruang nang mamiliki 24 tihang.

Tihang Rumah Aceh barbahan dasar kayu ulin nang kuat, dindingnya tabuat dari papan baukir khas Aceh. Hatap Rumoh Aceh barasal matan daun rumbia. Gasan maolah kuat bangunannya, rumah Aceh kada mamakai paku, tatapi mamakai pasak atawa tali paikat rotan.

tinggi lawang gasan Rumoh Aceh diparkirakan 120-150 cm. Lawang Rumoh Aceh diolah randah maraga siapa haja nang masuk ke rumah nitu, harus batunduk. Makna batunduk adalah panghormatan wan ampun rumah.