Lazuardi
| Lazuardi | |
|---|---|
 Lazuardi matan Afganistan nang balum diulah | |
| Umum | |
| Kataguri | Batuan metamorf |
| Rumus kimia | Campuran mineral lawan lazurit sabagai unsur utamanya |
| Identifikasi | |
| Warna | Biru atawa ungu, balang putih kalsit wan kuning lugam pirit |
| Parawakan | Kompak, masif |
| Sistem kristal | Kadada. Unsur utamanya, lazurit, biasa muncul dalam bantuk dodekahedron. |
| Kakarasan (Skala Mohs) | 5–5,5 |
| Kilap | Kusam |
| Gores | Biru muda |
| Berat jenis | 2,7–2,9 |
| Indeks bias | 1,5 |
| Sifat lain | Parbidaan kumpusisi nang maulah parbidaan ganal tahadap nilai-nilai di atas. |
Lazuardi adalah batuan metamorf nang bawarna biru. Batuan ngini jadi batu parmata nang dihargai mulai zaman bahari gara-gara warna birunya.
Lazuardi hudah ditambang matan partambangan di Sar-i Sang,[1] di Shortughai, wan partambangan lain di daerah Badakhshan (sakitar timur laut Afganistan) mulai 7.000 tahun sebelum masehi.[2] Sapalihan sumber manyambatakan bahwa lazuardi kawa ditamui jauh di timur sampai dairah parak Danau Baikal di Siberia.
Lazuardi dinilai tinggi ulih Paradaban Lembah Sungai Indus (3300–1900 SM) wan manik-manik lazurdi kawa jua ditamui di kuburan Neolitikum di Mehrgarh, di Kaukasus, maka jua kawa ditamui sampai di Mauritania. Pas zaman bahari, lapis lazuli (ngaran laim Lazuardi) dijualakan sampai ka Masir Bahari wan ka Mauritania. Batuan ngini dipakai dalam topeng Tutankhamun (1341–1323 SM).
Pas pahabisan Abad Patengahan, lazuardi mulai diekspor ka Irupa, tampat lazuardi pacangan diulah jadi bubuk wan pawarna biru laut, pigmen warna nang pambaiknya wan palarangnya. Inya dipakai ulih sapalihan saniman tarkanal matan Abad Renaisans wan waktu Barok, tamasuk Masaccio, Perugino, Titian, wan Vermeer.
Etimologi
[babak | babak asal-mulanya]Lazuardi baasal matan basa Arab لَازُوَرْد (lāzuward) nang baasal matan basa Persia لاجورد (lâjvard). Kata lâjvard jadi asal kata jua gasan warna biru langit dalam bamacam basa dalam rumpun Indo-Eropa.
Sifat batuan
[babak | babak asal-mulanya]-
Kristal lazurit nang manjadi unsur utama lazuardi -
Sabuting balok lazuardi nang sudah diulah -
Pigmen alami biru laut nang diulah matan azuardi
Komposisi
[babak | babak asal-mulanya]Unsur utama lazuardi adalah lazurit (25% s.d. 40%).[3] Lazurit adalah sabuting miniral silikat feldspathoid lawan rumus kimia (Na,Ca)8(AlSiO4)6(S,SO4,Cl)1-2.[4] Kabanyakan lazuardi baisi jua kalsit (putih), sodalit (biru), dan pirit (kuning logam). Sapalihan cuplikan lazuardi baisi augit, diopsida, enstatit, wan mika.
Warna
[babak | babak asal-mulanya]Warna biru nang nampak banar disababakan ulih ion radikal trisulfur (S3−) dalam karistal.[5]
Sumber utama
[babak | babak asal-mulanya]Panambangan di subalah timur laut Afganistan jadi sumber utama lazuardi. Lazuardi dalam jumlah banyak diproduksi jua matan tambang di subalah barat Danau Baikal di Rusia wan di Pegunungan Andes di Chili. Dalam jumlah sadikit, lazuardi diproduksi di Italia, Mongolia, Amerika Serikat (dairah Colorado wan California), lawan Kanada.[6]
Lihat pula
[babak | babak asal-mulanya]- Lazurit
- Daftar mineral
Referensi
[babak | babak asal-mulanya]- ^ Bomford, David; Roy, Ashok (2009). A Closer Look- Colour. National Gallery Company. ISBN 978-1-85709-442-8.
- ^ Moorey, Peter Roger (1999). Ancient Mesopotamian Materials and Industries: the Archaeological Evidence. Eisenbrauns. hlm. 86–87. ISBN 978-1-57506-042-2.
- ^ "Lapis lazuli: Mineral information, data and localities". www.mindat.org.
- ^ "Lazurite: Mineral information, data and localities". www.mindat.org.
- ^ Boros, E.; Earle, M. J.; Gilea, M. A.; Metlen, A.; Mudring, A.-V.; Rieger, F.; Robertson, A. J.; Seddon, K. R.; Tomaszowska, A. A. (2010). "On the dissolution of non-metallic solid elements (sulfur, selenium, tellurium and phosphorus) in ionic liquids". Chem. Comm. 46 (5): 716–718. doi:10.1039/b910469k. PMID 20087497.
- ^ "Lapis Lazuli". gemstone.org. Diarsipkan dari versi asli tanggal 30 November 2016. Diakses tanggal 24 July 2020.
Pranala luar
[babak | babak asal-mulanya]- Lapis lazuli (lazuardi) di Gemstone.org
- Dokumentasi kuliah daring oleh Universitas California di Berkeley
- "Lapislazuli: Occurrence, Mining and Market Potential of a blue Mineral Pigment"
- "Why a Medieval Woman Had Lapis Lazuli Hidden in Her Teeth", The Atlantic, Januari 2019