Urat
Urat (hurup Arab Gundul: اورة; basa ilmiah: tendon) ièlah seomplokan jaringan iket jarotan nyang kuat nyang ngebungsel jaringan sepir ama tulang. Ni jaringan cukup stèrek bakal nahan tegangan. Jaringan urat mèmper betul ama cangcangan sendi (ligamen) èn cangcangan sepir (fasia); tiga-tiganya kebikin deri kolagèn. Cangcangan sendi nyangcangin balung ama laèn balung; cangcangan sepir nyang nyangcang sepir ama sepir. Urat ama sepir pada samenwèrekan bakal nggerak-gerakin waton awak.