Kécap inggris
Kécap inggris (hurup Arab Gundul: کيچف ايڠݢريس; Inggris: Worcestershire sauce atawa Worcester sauce) ièlah bahan pengèco nyang bentuknya caèran èncèr warna kereng nyang rasanya rada asin ama rum-ruman nyang wangi. Kécap inggris dibikin deri cuka, gelendo, gula jagung, aèr, cabé, kécap asin, merica, asem jawa, teri, bawang bombé, bawang mèra, cengké, èn bawang puti.