Вясёлка (часопіс)
| «Вясёлка» | |
|---|---|
 | |
| Арыгінальная назва |
Vjaselka[1] Вясёлка |
| Тып | дзіцячы часопіс[d] |
| Заснавальнік | Міністэрства інфармацыі Рэспублікі Беларусь, установа «Рэдакцыя часопіса «Вясёлка» |
| Краіна |
 Беларусь |
| Галоўны рэдактар | Анастасія Радзікевіч |
| Заснавана | красавік 1957 |
| Тэматыка | дзіцячы для малодшага школьнага ўзросту |
| Мова | беларуская |
| Перыядычнасць | штомесяц |
| Аб’ём | 24 с. (2017) |
| Галоўны офіс | вул. Кальварыйская, 25, Мінск, 220073 |
| Тыраж | 9628 (люты 2017) |
| ISSN | 0131-8128 |
| Узнагароды | |
| Вэб-сайт | Вясёлка |
«Вясёлка» — беларускі штомесячны часопіс для дзяцей. Прызначаны ў асноўным для чытачоў малодшага школьнага ўзросту, некаторыя матэрыялы даступны і для чытання дашкольнікам. Сярод часопісаў, якія выдаюцца ў Рэспубліцы Беларусь для розных узроставых груп дзяцей, стаіць паміж чытанкай-маляванкай для дашкольнікаў «Буся» і часопісам для сярэдняга і старэйшага школьнага ўзросту «Бярозка».
Распаўсюджваецца праз падпіску поштай і продаж у «Белсаюздруку». Падпісныя індэксы на «Белпошце»: для індывідуальных падпісчыкаў — 74845, для ведамасных — 748452.
Публікацыі
[правіць | правіць зыходнік]Публікуе пераважна літаратурна-мастацкія творы і матэрыялы на грамадскія тэмы, розныя па памерах і складанасці — як для самастойнага чытання дзяцьмі 6 — 10 год, так і для чытання дзецям дарослымі альбо больш старэйшымі школьнікамі.
Друкуе апавяданні, казкі, вершы беларускіх пісьменнікаў, пераклады, загадкі, рэбусы, галаваломкі, песні беларускіх кампазітараў для дзяцей. Распавядае пра культуру і гісторыю Беларусі і іншых краін. Мае розныя тэматычныя рубрыкі. Вядзе літаратурную адукацыю і маральна-этычнае выхаванне сваіх чытачоў. Перавага аддаецца казкам, якія прапагандуюць дабро і справядлівасць, узаемадапамогу[2].
У савецкія часы тыраж часопіса складаў 100 тыс. экземпляраў[3]. У красавіку 2012 г. наклад складаў 13500 асобнікаў, часопіс з’яўляўся самаакупным[4].
Па стане на сакавік 2017 г. выдадзена 720 нумароў.
Рэдакцыя «Вясёлкі» з’яўляецца таксама заснавальнікам чытанкі-маляванкі для дашкольнікаў «Буся». Да пачатку выдання «Бусі» (жнівень 2013) «Вясёлка» была адзіным беларускім перыядычным выданнем для дзяцей як дашкольнага, так і малодшага школьнага ўзросту[5].
З лютага 2011 г. дзейнічае сайт часопіса, на якім змешчаны казкі і дзіцячыя вершы. У творах дакладна расстаўлены маральныя акцэнты, гэта адносіцца як да фальклорных казак («Каралевіч, чараўнік і ягоная дачка», «Заяц і вожык», «Дзяцел, лісіца і варона» і інш.), так і да літаратурных твораў з казачным сюжэтам («Цямлівы кот і шляхецкі сын» А. Грушэцкага, «Прынцэса Румзаніда ў Краіне Лялек» А. Масла, «Пра кашэчага караля і мышку-прынцэсу» Р. Баравіковай, «Бусел і бусляняты» Я. Лёсіка і інш.)[2]. На сайце створана фотагалерэя, ладзяцца конкурсы.
«Вясёлка» ўзнагароджана ганаровымі граматамі Вярхоўнага Савета БССР і Савета Міністраў Рэспублікі Беларусь, з’яўляецца пераможцам Нацыянальнага конкурсу друкаваных СМІ «Залатая Ліцера» 2004, 2007, 2010 гадоў.
Галоўныя рэдактары
[правіць | правіць зыходнік]- Васіль Вітка (1957—1974)
- Еўдакія Лось (1974—1976)
- Анатоль Грачанікаў (1976—1978)
- Уладзімір Ліпскі (1978—2022)
- Анастасія Радзікевіч (з 2022)
Некаторыя аўтары
[правіць | правіць зыходнік]- Эдзі Агняцвет
- Лідзія Арабей
- Алесь Бачыла
- Раіса Баравікова
- Наталля Бучынская
- Сяргей Грахоўскі
- Алег Грушэцкі
- Васіль Зуёнак
- Казімір Вікенцьевіч Камейша
- Уладзімір Іванавіч Карызна
- Анатоль Клышка
- Пятрусь Макаль
- Алена Масла
- Павел Місько
- Мікола Мятліцкі
- Васіль Хомчанка
- Мікола Чарняўскі
- Аляксандр Якімовіч
Зноскі
- ↑ The ISSN portal — Paris: ISSN International Centre, 2005. — ISSN 0131-8128
- ↑ а б Смаль, В. М., Еўдакіменка, М. Асаблівасці кантэнту сайта часопіса «Вясёлка» // СМИ. Культура. Молодежь / Под общ. ред. Л. В. Скибицкой. — Брест: БрГУ имени А. С. Пушкина, 2015. — С. 187. — 226 с.
- ↑ Шкілёнак, М.. Часопіс «Вясёлка»: мы дапамагаем выхоўваць нашых дзетак сапраўднымі патрыётамі(недаступная спасылка). // TUT.BY (2010. — 3 жніўня). Архівавана з першакрыніцы 28 мая 2016. Праверана 17 студзеня 2016.
- ↑ Ліпскі, У. Вяселле для «Вясёлкі» // old.zviazda.by. — 2012. — 14 красавіка.(недаступная спасылка)
- ↑ Вясёлкін, В. У красавіку часопісу «Вясёлка» — 60 гадоў // Буся. — 2017. — № 1. — С. 12.
Спасылкі
[правіць | правіць зыходнік]- Альсовы, П. І «стылёвыя» дзеткі чытаюць «Вясёлку»!.. // Звязда. — 2014. — 3 кастрычніка.
Літаратура
[правіць | правіць зыходнік]- Берлеж М. Усе колеры дзяцінства // Літаратура і мастацтва : газета. — Мн.: РВУ «Звязда», 14 красавіка 2017. — В. 4918. — № 15. — С. 4. Архівавана з першакрыніцы 20 красавіка 2017.
- Грушэцкі, А.Л. Умець чытаць — вялікая справа // Літаратура і мастацтва : газета. — Мн.: РВУ «Звязда», 14 красавіка 2017. — В. 4918. — № 15. — С. 4. Архівавана з першакрыніцы 21 красавіка 2017.
- Лугоўскі, А. І. «Вясёлка» // Слоўнік студэнта-філолага па методыцы выкладання беларускай літаратуры. — Мінск.: БДПУ, 2005. — С. 25. — 106 с. — ISBN 978-985-501-667-1.