WordPress

WordPress
Распрацоўка	Ryan Boren, Mark Jaquith, Matt Mullenweg, Andrew Ozz, Peter Westwood
Апошняя вэрсія	3.3.1 (3 студзеня 2012 г.)
АС	кросплятформенная
Тып	Weblog software
Ліцэнзія	GPLv2
Афіцыйная старонка	wordpress.org wordpress.com

WordPress (чытаецца Вордпрэс) — сыстэма кіраваньня зьместам сайту з адкрытым крынічным кодам, якая распаўсюджваецца пад ліцэнзіяй GNU GPL; напісаная на PHP; сэрвэр базы дадзенных — MySQL. Звычайна такія сыстэмы выкарыстоўваюцца для захоўваньня і публікацыі вялікай колькасьці дакумантаў, малюнкаў, музыкі або відэа.

Сфэра ўжываньня WordPress — ад блогаў да складаных навінавых рэсурсаў і карпаратыўных сайтаў. Убудаваная сыстэма тэмаў ды плягінаў разам з прадуманая архітэктурай дазваляе канструяваць праекты шырокай функцыянальнай складанасьці.

На сёньняшні дзень WordPress — адна з самых папулярных сыстэм для вядзеньня блогаў: 202 мільёны сайтаў.

Дызайн, кіраваньне сыстэмай ды іншыя магчымасьці

• прастата ўсталёўкі, прастата наладак;
• падтрымка вэб-стандартаў (XHTML, CSS);
• модулі для падключэньня (плягіны) з прастою сыстэмай іх узаемадзеяньня з кодам; магчымасьць аўтаматычнай усталёўкі ды абнаўленьня вэрсіі напрасткі з панэлі адміністратара;
• падтрымка так званых «тэмаў», з дапамогай якіх лёгка зьмяняецца зьнешні выгляд, так і спосабы вывядзеньня дадзенных;
• магчымасьць рэдагаваць шаблёны адразу ў панэлі адміністратара;
• «тэмы» рэалізаваныя як наборы файлаў-шаблёнаў на PHP (у HTML-разьметку ўстаўляюцца PHP-меткі);
• шмат бібліятэк «тэмаў» ды «плягінаў»;
• патэнцыял архітэктуры дазваляе лёгка рэалізаваць складаныя рашэньні;
• SEO-аптымізаваная сыстэма;
• падлучальныя модулі (убудовы) з унікальнай простай сыстэмай іх узаемадзеяньня з кодам;
• наяўнасьць беларускага перакладу.

Публікацыя ды рэдагаваньне

• імгненная публікацыя;
• магчымасьць публікацыі з дапамогай іншых праграм і сэрвісаў
• падтрымка RSS, Atom, trackback, pingback;
• наяўнасьць ЧЗУ (чалавекам-зразумелы URL);
• рэдагаваньне WYSIWYG-рэдактарам з магчымасьцю даданьня фарматаванага тэксту (напрыклад, з праграмы Microsoft Word) або рэдагаваньне з дапамогай HTML-разьметкі.

Кантэнт

• загадзя заплянаваныя публікацыі;
• шматбачынавыя запісы;
• дапасаваньне файлаў ды выяваў да запісаў;
• магчымасьць стварэньня статычных бачынаў;
• магчымасьць стварэньня свайго тыпу кантэнту ва ўласных тэмах;
• наяўнасьць катэгорый, тэгаў, камэнтаў і г.д.

Гісторыя вэрсіяў

Большасьць WordPress рэлізаў названыя ў гонар джазавых музыкаў, пачынаючы з вэрсіі 1.0.

Гісторыя	старая вэрсія	актуальная вэрсія	бэта-вэрсія

Вэрсія	Кодавае імя	Дата рэлізу	Апісаньне
0.70		27 траўня 2003	Выкарыстоўваецца тая самая структура файлаў, як і свайго папярэдніка b2/cafelog. Вэрсія 0.7.1 даступная для сьцягваньня на афіцыйным сайце WordPress
1.2	Mingus	22 траўня 2004	Дададзеная падтрымка плягінаў
1.5	Strayhorn	17 лютага 2005	Дададзеная магчымасьць кіраваньня шаблёнамі ды статычнымі старонкамі
2.0	Duke	31 сьнежня 2005	Удасканаленыя інструмэнты сыстэмы кіраваньня, дададзеная магчымасьць запампоўкі выяваў
2.1	Ella	22 студзеня 2007	Выпраўленыя памылкі ў бясьпецы СКВ, дададзеныя новыя інструмэнты для рэдагаваньня кантэнту.
2.2	Getz	16 траўня 2007	Пераробленая падтрымка Atom. Дададзеная падтрымка віджэтаў для шаблёнаў .
2.3	Dexter	24 верасьня 2007	Выпраўленыя нейкія памылкі ў бясьпецы СКВ. Дададзеныя апавяшчэньні пра наяўнасьць абнаўленьняў. Поўная падтрымка Atom 1.0.
2.5	Brecker	29 сакавіка 2008	Цалкам перароблены інтэрфэйс ды панэль адміністратара.
2.6	Tyner	15 ліпеня 2008	Дададзеныя новыя функцыі.
2.7	Coltrane	11 сьнежня 2008	Цалкам пераробленая панэль адміністратара. Дададзенае аўтаматычнае абнаўленьне ядру СКВ ды ўсталёўка плягінаў.
2.8	Baker	10 чэрвеня 2009	Кераваньне тэмамі з панэлі адміністратара. Палепшаны інтэрфэйс віджэтаў.
2.9	Carmen	19 сьнежня 2009	Дададзенае пакетнае абнаўленьне плягінаў ды шмат іншых функцый.
3.0	Thelonious	17 чэрвеня 2010	Дададзены інтэрфэйс прыкладнога праграмаваньня (API).
3.1	Reinhardt	23 лютага 2011	Дададзеная адмін-панэль (адлюстроўваецца на ўсіх старонках сайту).
3.2	Gershwin	4 ліпеня 2011	Павялічана хуткасьць запампоўваньня старонак
3.3	Sonny	12 сьнежня 2011	Палепшанае адлюстраваньне старонак на пляншэтах
3.4	Green	13 чэрвеня 2012	Паляпшэньне функцыяналу наладак шаблёнаў. Інтэграцыя з Twitter
3.5	Elvin	11 сьнежня 2012	Падтрымка алюстраваньня на Retina Display, выбар колеру старонкі, новая тэма «Twenty Tvelve»
3.6	Oscar Peterson	1 жніўня 2013	Палепшана праца з рэдакцыямі публікацый, палепшанае аўтазахоўваньне ды новы ўбудаваны HTML5 мэдыя-плеер. Дададзеная новая тэма «Twenty Thirteen»
3.7	Basie	24 жніўня 2013
3.8	Parker	12 сьнежня 2013	Новы дызайн панэлі адміністраваньня сайту. Новая стандартная тэма «Twenty Fourteen».
3.9	Smith	16 красавіка 2014	Новы функцыянал перагляду віджэтаў ды новы ўсталёўнік тэмаў. Перароблены інтэрфэйс рэдагаваньня выяваў ды мэдыя.
4.0	Benny	4 верасьня 2014
4.1	Dinah	18 сьнежня 2014	Новая стандартная тэма «Twenty Fifteen».
4.2	Powell	23 красавіка 2015	Дададзеныя падтрымка эмодзі, абноўленая сыстэма плягінаў.
4.3	Billie	18 жніўня 2015	Фокус на мабільныя прылады, паляпшэньне пароляў.
4.4	Clifford	8 сьнежня 2015	Прадстаўленьне тэмы «Twenty Sixteen», палепшанае адаптаваньне выяваў.
4.5	Coleman	12 красавіка 2016	Дададзеныя інтэрактыўныя спасылкі, фарматаваньне цэтлікаў, адаптаваны перадпрагляд.
4.6	Pepper	16 жніўня 2016	Дададзеныя шрыфты, палепшанае рэдагаваньне з даданьнем праверкі інтэрактыўных спасылак і адноўленьнем кантэнту.
4.7	Vaughan	6 жніўня 2016	Новая тэма «Twenty Seventeen», падтрымка адаптыўнага відаэ, перадпрагляд PDF, налады CSS ў рэжыме перадпрагляду, паляпшэньне рэдагаваньня.
4.8	Evans	8 чэрвеня 2017	Рэжым рэдагаваньня новага пакаленьня. Дададзеныя новыя відэа-віджэты, WYSIWYG у тэкставых віджэтах. Заканчэньне падтрымкі аглядальніка Internet Explorer вэрсіяў 8, 9 ды 10.

Вонкавыя спасылкі

WordPress — сховішча мультымэдыйных матэрыялаў

• Афіцыйны сайт (анг.)
• Лякалізацыя на беларускую мову