Кнэдлікі

Кнэдлікі
	Кнэдлікі
	Кнэдлікі з гуляшам
Паходжаньне	Аўстрыя; Італія; Нямеччына;
Асноўны складнік	цеста;
	Кнэдлікі ў Вікісховішчы

Кнэ́длікі (па-чэску: knedliky) — нацыянальная страва чэскае, славацкае, аўстрыйскае і баварскае кухняў.

Гісторыя

Назва паходзіць ад нямецкага слова «knödel» і замацавалася ў чэскай мове ў пачатку XIX стагодзьдзя^[1]^[2].

У сярэднявеччы гэтым словам называлі шарыкі ці конусы зь мяса і мочанага хлеба. Каля XVII стагодзьдзя пачала выкарыстоўвацца й мука. Узьніклі розныя варыянты стравы, у тым ліку і з рысу, ужываліся начыньні, вар’яваліся формы.

Апісаньне

Кнэдлікі ўяўляюць сабой шарыкі зь бездражжавога цеста ці бульбы, адвараныя ў падсоленай вадзе. Могуць быць з начыньнем.

Бываюць некалькіх відаў:

зь цеста — па-чэску: houskové knedlíky
з бульбы — па-чэску: bramborové knedlíky
з садавінай — па-чэску: ovocné knedlíky

Раней кнэдлікі былі асобнай стравай, цяпер зазвычай падаюцца як гарнір да гарачае мясное стравы ці супу. Часта разам з кнэдлікамі падаюць і падліву.

Іншыя назвы

У Вугоршчыне яны завуцца gombóc, па-нямецку knödel, у Люксэмбургу kniddel(en), у Італіі canederli.

На Беларусі страва з натаркаванай бульбы зь мясам завецца калдуны. Падобныя стравы існуюць таксама ў швэдзкай (kroppkaka), нарвэскай (raspeball ці komle), канадзкай (poutines râpées) кухнях.

Глядзіце таксама

Крыніцы і заўвагі

^ Чеканова, Ася (24 красавіка 2010) Это опасное оружие кнедлик.... «Радыё Прага». Праверана 24 красавіка 2010 г.
^ Гісторыя кнэдліка

[1] Чеканова, Ася (24 красавіка 2010) Это опасное оружие кнедлик.... «Радыё Прага». Праверана 24 красавіка 2010 г.

[2] Гісторыя кнэдліка

[1]

[2]