Baladė
Baladė – žuodis kėlės iš prancūzu kalbuos (ballade), luotīnėškā (ballo) reišk – šuoko.
Baladė gal būtė priskėrta mozėkas ė poezėjės žanrams.
Kāp vuokalinis a instromėntinis laisvuos mozėkinės skvarmas kūrinīs liuob vaizdoutė istuorinius, herojinius, fantastinius ivīkius so atitinkamo torėnio. Vidorėnēs omžēs baladiems vadėna kāp koriū tautū šokiu dainas, katruos vieliau vėrta i eiliouta daina ė anā jau liuob pritartė mozėkonts su instrumėnto.
Kēp literatūrinis kūrinīs priskėrams poezėjės žanrou. Tuokio bova trumps eiliuots līrinis kūrinīs, katruo torėni sudarė istorėnē, legendėnē ė padavėmu motīvā. Baladie liuob aprašītė paslaptingus ė skaudius ivīkius, supins anus su žmuoniū lėkėmās. Baladės liuob pouštė heruoju dialuogā, vo kompozicėjė bova naivē paprasta.