Pipm
Pipm ódr Pipp isch die Pezeichnung fir an Prunnenroahr unt fir an Wåssrhåhn (Wåssrpipm), aa fir an Håhn pan Weinfåss ódr irgnt a Håhn fir Flissigkeitn (z. B. Treibstóff). In Kärntn isch Pipm aa a Tabaggpfeif (ital.: pipa = Pfeife).
Die Pipmen, dé als Åspérrorgan funkzióniĕrn, untrscheidet man nåch:
- Greßn (Querschnitt), Druck
- Matrial (vrschiedne Metålle, Kunschtstóff, Hólz)
- Syschtém (Ventil, Schiĕbr, Klåppm, ...)
- Betätigung (mit Radl, Hébl; mit Hånt, hydraulisch, elektrisch)
- Zweck
As Gehaise van a Metållpipm kånn góssn ódr aa af an åndrer Weis hergstéllt sein. Sie wert mit an Gwint pan an Roahr zuaigschrauft, zuaigschwoaßt ódr mit a Flantschn peféschtigg. Pan Wein- ódr Piarfassl wert sie einigschlågn unt pleipp durch dr Reibung féscht.
As Wórt Pipm erinnrt an englisch pipe (Roahr). Dr Ursprung va poade ligg in vulgärlateinischn pipa (Roahr).
Im Netz
[Werkeln | Am Gwëntext werkeln]
Commons: Wasserhahn – Sammlung vo Buidl, Videos und Audiodateien
