London

Woppn	London
Basisdatn
Landestei:	England
Koordinatn:	51° 30′ N, 0° 8′ W
Hächn:	15 m ü. NN
Flächn:	1.572 km² (Stod) 8.382 km² (Metropolregion)
Einwohna:	8.538.689 (Stod) 13.614.409 (Metropolregion) (2014)
Bevejkarungsdichtn:	5.432 Eihwohna/km² (Stadt) 1.624 Eihwohna/km² (Metropolregion)
Vorwoi:	020
Stodgliederung:	City of London u. 32 Beziak (boroughs)
Websitn:	www.london.gov.uk
Politik
Buagamoasta	Sadiq Khan (Labour Party)
Log vo London in Eiropa

London is de Haptstod vo England und vom Vaeinigtn Kenigreich. De Stod liegt an da Themse in Sidostengland. In da Metropoin lem 8.538.689 Menschn (2014), davo in ebba 2,7 Millionen in de 13 Stodbeziake vo Inner London. De Agglomeration hod 13.614.409 Eihwohna (2014).

London is oans vo de wichtigstn Kuitua-, Finanz- und Handlszentren vo da Wejd. In da Stod san vui Universitätn, Hochschuin, Theata und Museen. S Stodgebiet vo Greater London, dees in Inner- und Outer London untateit is, gliedat si in de City of London und no insgsamt 32 Stodbeziake („London boroughs“), drunta aa de City of Westminster. London is aa da Sitz vo da Internationalen Seeschifffoats-Organisation (IMO).

Eadkunde

Log vo London in England

London ziagt si rund 45 Kilometa entlang vo da schiffborn Themse und liegt durchschnittli 15 Meta iwan Mearesspiagl. London is aus ana Siedlung am Nordufa entstandn, da heitign City of London. De London Bridge wor bis 1739 de oanzige Bruckn iwan Fluss.

Aus dem Grund befindd si da gresste Tei vo da Stod neadli vom Fluss. Mitm Bau vo weidan Bruckn im 18. Jh. und am Bau vo Eisnbohna im 19. Jh. hod si de Stod in olle Richtunga ausdehnt. De Landschoft is floch bis wellig, wos a unghindats Woxdum beginstigt hod.

De Themse wor in friaran Zeitn vui broada und seichda wia heit. Da Fluss wead fost iwaroi duach Dämme begrenzt und de moastn Zuafliss san untairdisch valegt. De Gezeitn vo da Nordsee san z London no deitli z spian, de Stod is deshoib duach Iwaschwemmunga und Sturmflutn gfeadet. Um de Gfoa eizdämma is ba Woolwich in de 1970a Joar da Thames Barrier baut worn.

De geografischn Koordinatn vom Stodzentrum (eppa ban Trafalgar Square) san 51° 30′ neadlicha Broadn und 0° 8′ westlicha Läng. Duach s kenigliche Observatorium, s Royal Greenwich Observatory z Greenwich, is da Nullmeridian glegt worn. Ea is da Ausgangspunkt vo de geographischn Längengrad und damit vo de Zeitzonan.

Geologie

Sidostengland mit da Hauptstod London is fiara Besiedlung geologisch gegniwa ondan Landestein beginstigt. De geologische Struktur is duach mesozonische Sedimente bestimmt, de wo a weitlaifige Schichtstufnlandschoft entsteh hod lossa. De Beag san ned hoch, so dass de gsamte Gegend vo de klimatischn Vortei vom Siidostn profitiat. Da Niedaschlog is gringa, de Summa weama wia in ondan Landestein und de Sediment gem an fruchtborn Bodn.

Stodgliedarung

London gliedat si in 32 Stodbeziake (London Boroughs) und de City of London.

Gschicht

Woarscheinli im Joar 47 n. Chr. ham de Rema d Stod Londinium grindt. Noch da Eaoberung vo England vo de Angeln und Saxn is Londinium bis zum End vom 5. Joarhundert zu Ruinen zamgfoin. Um 878 is des Gebiet innahoib vo de remischn Stodmauern wieda bsiadelt worn, de Stod hot zeaschst no Lundenburgh ghoassn. 1066 mit da Eaoberung vo England vo de Normannen hod London Winchester ois Hauptstod obglest. London is iwa de Joarhundat imma weida gwoxn. 1851 wor London laut da Voikszejung mit 2.651.939 Eihwohna de gresste Stod in Eiropa und as Zentrum vo da industrialisiatn Wejd. Des heitige Vawoitungsgebiet mit de Stodbziak is am 1. Aprui 1965 mit da Grindung von Greater London entstondn.

Literatua

• Chris Ellmers and Alex Werner: Dockland life: a pictorial history of London's docks 1860–2000, Museum of London., NA (1. Aufl. 1991) Edinburgh [u. a.]: Mainstream 2000, 221 S., ISBN 1-84018-318-7
• Doreen Evenden: The midwives of seventeenth-century London, Cambridge [u. a.]: Cambridge University Press 2000, 260 S., ISBN 0-521-66107-2
• Edward Impey and Geoffrey Parnell: The Tower of London. The official illustrated history, London: Merrell 2000, 128 S., ISBN 1-85894-106-7
• Ralf Nestmeyer: London. Ein Reisehandbuch. Michael-Müller-Verlag, Erlangen 2006, ISBN 3-89953-253-8
• London suburbs, Einführung von Andrew Saint, London: Merrell Holberton [u. a.] 1999, 240 S., ISBN 1-85894-077-X
• Dale H.Porter: The Thames embankment: environment, technology, and society in Victorian London, Ohio: University of Ohio, Akon Press 1998. – XVI, 318 S., ISBN 1-884836-28-3
• Malcolm Thick, The Neat House gardens: early market gardening around London, Totnes, Devon: Prospect Books 1998, 175 S., ISBN 0-907325-78-5

Im Netz

 Commons: London – Oibum mit Buidl, Videos und Audiodateien

• Hoamseitn vo da Stod London (englisch)
• Welcome to London – Interaktiva Online-Reisefiara