General

Da General is a Deanstgrod zoireicha modeana und friahara Streitkräft, unta andam aa in da Bundeswehr, vom Bundeshea und da Schweiza Armee. Im Wachkeapa vo Eastareich is da General a Vawendungsbezeichnung. In manche Streitkräft is dea General da rangheachste Deanstgrod. In manche weidare (aa friahrare) Streitkräft wern vagleichbore Deanstgrod aa ois Armeegeneral, Generalobast oda ähnle bezeichnat. De rangheachstn Deanstgrod vo ana Armee wern mitunta in da Deanstgruppn Generale zammagfasst. De Gsamtheit vo olle Träga vo dene Deanstgrod wern mitunta ois Generalität bezeichnat.

Etymologie

"General" geaht zruck aaf des lateinische generalis (deitsch: "oigmoa" oda "gmoa"). Iba des Kiachalateinische generalis abbas is dea Begriff Teil vo ana Postnbeschreibung generalis abbas (in da deitschn Ibasetzung: "oigmeina Abt" oda in entsprechandm Kontext Generalabt hot ofangs des Obahaupt vo ana (katholischn) Oadnsgmoaschoft bezeichnat. Dea generalis abbas war oiso dea fia oigmeine Belange zuaständige Voasteha, dea iba dem specialis (lateinisch fia "Speziella" oda "Bsondana") gstandn is, dea kloanane (aaf an Aafgobnbreich spezialesiertn) Gruppn voagstandn is. Duach Vakiazung is aus generalis abbas, des scho im Lateinschn oft vakiazt ois generalis voakemmane worn, des mittlhochdeitsche general. Im 13. bzw. 14. Joahrhundat wead da Begriff "General" dann unta Eifluss vo dem franzesischn Begriff "capitaine Gênêral (deitsch in etwa: "oigmeina Kapitän" oda "oigeima Hauptmo") in des deitsche Heerwesn ibanomma. Uaspringle woa "General" oiso noch franzesischm Voabuid de Bezeichnung fia a Vawendung ois Befehlshoba vo ana greaßan Truppnfoamation. East mit da Hearausbuidung vo ana festn militärischn Rangoadnung noch dem Dreißgjaarign Kriag is "General" zum Teil vo mehrara Deanstgrodbezeichnunga (noch heitigm Vaständnis Deanststellunga) worn. Dem General(-fejdhauptmo) is dea Generalleutnant zua Seitn gstandn, fia de wirtschoftlichn und oaganisatoarischn Oglengheitn vo da Armee woa da Generalfejdwachtmoasta (spada Generalmajor) zustände. Dem Vahejtnis hot aaf Ebane vom Regiment Obrist(-fejdhauptmo), Obastleutnant und Obastfejdwachtmoasta (spada Major) entsprocha, aaf Kompanieebane (Fejd-)hauptmo, Leutnant und Fejdwebe. Fia Befehlshoba vo greaßane Truppnfoamationan bestimmta Waffngattunga ham se de Denststellnbschreibunga "General iba des Fuaßvoik", "General iba de Reitarei", "General iba de Artillerie" usw. Im 17. und 18. Joahrhundat san dorau in de preißischn Streitkräft de Deanstgrod "General der Infanterie" und "General der Artillerie" usw. (vgl. dozua "Generale mit beschreibandm Zuasotz vo da Waffngattung"). Dea Deanstgrod "General" (ois oanzaln stehande Deanstgrodbezeichnung) hot se, jetzt ois heachsta Deanstgrod, in moderne deitsche Streitkräft east in Foig vo da Ogleichung an de Rangstruktua vo da NATO etabliern kenna. Zuvoa war "Generale" voawiegand a Sammebegriff fia olle zuvoa gnenntn Deanstgrod (vgl. untn). Dea mit dem General vo da Bundeswea vagleichbore Deanstgrod vo friahrare deitsche Streitkräft war dogeng meist ehea da Generalobast, dea in da Bundeswehr entfoin is.