Pémpék
 | |
| Mawit saking | Indonésia |
|---|---|
| Wawengkon utawi wewidangan | Sumatra Selatan |
| Lakaran utama | Bé laut, sagu, taluh siap, yeh lebeng, gula, garam |
| Variasi | Pempek kapal selam (pempek telur besar), pempek telur kecil, pempek keriting,pempek belah,pempek kulit, pempek tahu, pempek pistel, pempek udang, pempek belah, pempek panggang, pempek lenggang, dsb. |
Pémpék wiadin empék-empék inggih punika silih tunggil ajengan saking Sumatera Kelod utamannyané saking wewidangan Palémbang. Ajengan punika malakar saking ulam, bé sané kagiling ngantos dekdek sareng campuhan tepung kanji taler kaadungan sareng taluh miwah kesuna sané sampun kaalusang, tur tasik miwah basa penyedap. Manut saking lelintihannyané, ajengan pémpék kauningin ngranjing ka Palémbang sinarengan sareng sapangrauh jadma Tionghoa kirang langkung ring abad ka-16 dugas pamrintahan kantun kaadegan olih Sultan Mahmud Badaruddin II. Kruna empék-empék mawit saking apék sané madué artos 'iwa' wiadin anak lanang tua saking Tionghoa. Soroh pémpék sané pinih kasub mawasta pémpék kapal selam sané madaging taluh siap tur ajengan punika kagoreng.