Nima Qum Muzeyi
| Nima Qum Muzeyi | |
|---|---|
| Nima Sando Myuciamu (仁摩サンドミュージアム?) | |
 | |
 | |
| Əsası qoyulub | 3 mart 1991 |
| Mövzu | qum |
| Ölkə | |
| Yerləşir |
Nima,  Şimane prefekturası |
| 35°08′47″ şm. e. 132°24′16″ ş. u.HGYO | |
| sandmuseum.jp | |
 Vikianbarda əlaqəli mediafayllar | |
Nima Qum Muzeyi (仁摩サンドミュージアム, Nima Sando Myuciamu?) – Yaponiyanın Şimane prefekturasının Oda şəhərində, keçmiş Nima qəsəbəsinin ərazisində yerləşən və quma həsr olunmuş muzey. Burada dünyanın ən böyük qum saatı saxlanılır.
Tarixi
[redaktə | vikimətni redaktə et]Muzeyin açılışı 3 mart 1991-ci ildə yerli bələdiyyə başçısının iştirakı ilə baş tutmuşdur.[1] Muzeyin yaradılmasında məqsəd qəsəbə yaxınlığında yerləşən Kotoqahama çimərliyinin qumunu nümayiş etdirərək turist cəlb etmək olmuşdur.[1] Belə ki, bu çimərliyin qumu "oxumaq" xüsusiyyətinə malikdir.[1]
Muzeyin memarı Nimada doğulmuş Şin Takamatsudur.[1] O, muzeyin ən hündür piramidasını anasının qəbrindən görünə biləcək şəkildə dizayn etmişdir.[1]
Xüsusiyyətlər
[redaktə | vikimətni redaktə et]Muzey altı şüşə piramidadan ibarətdir.[1] Ən böyük şüşə piramidasında Ginnesin Rekordlar Kitabına düşmüş dünyanın ən böyük qum saatı saxlanılır.[2][1] Bu qum saatının yuxarı kürəsinin tam boşalması və aşağı kürəsinin tam dolması düz 1 il çəkir.[1] Hər ilin 31 dekabr tarixində gecəyarısı qum saatı çevrilir.[1]
Qum saatının yerləşdiyi şüşə piramida 21 metr hündürlüyündə və 17 metr enindədir.[1] Qum saatı isə 5 metr hündürlüyündə və 1 metr diametrindədir.[1] İçərisindəki qumun ağırlığı 1 tondur, hər qum dənəsi 0,13 millimetr ölçüsündədir.[1] Qum diametri 0,85 millimetr olan dəlikdən tökülür.[1]
Qum, zaman və ətraf mühit muzeyin üç konsepsiyasını təşkil edir.[2] Muzeydə qum akustikasını nümayiş etdirən sənət əsərləri kolleksiyası mövcuddur.[1]
İstinadlar
[redaktə | vikimətni redaktə et]- ↑ 1 2 3 4 5 6 7 8 9 10 11 12 13 14 "Nima Sand Museum". Atlas Obscura (ingiliscə). 9 yanvar 2010. 8 sentyabr 2022 tarixində arxivləşdirilib. İstifadə tarixi: 8 sentyabr 2022.
- ↑ 1 2 "Nima Sand Museum". Shimane Guide (ingiliscə). (#archive_missing_date) tarixində arxivləşdirilib. İstifadə tarixi: 8 sentyabr 2022.
Xarici keçidlər
[redaktə | vikimətni redaktə et]- sandmuseum.jp — rəsmi saytı
| Foto, video və audio |
|---|
