José Roberto Gama de Oliveira və yaxud məşhur adı ilə Bebeto (16 fevral1964[1], Salvador) ― hücumçu mövqeyində oynamış Braziliya futbolçusu. Braziliya millisində 75 oyunda 39 qol vuran Bebeto milli tarixinin 6-cı ən məhsuldar qolçusudur.
Peşəkar klub karyerası 1983-cü ildə başlayıb. Sonra növbə ilə Braziliya Futbol Liqasında Flamenqo, Vasko da Qama klublarında oynadı və ölkə xaricinə transfer oldu. Ölkə xaricində ilk klubu İspaniyanın Deportivo klubu oldu. Braziliya xaricində oynadığı digər klublar İspaniyanın Sevilya, Meksikanın Toros Nesa, Yaponiyanın Kaşima Antlers və Səudiyyə Ərəbistanının Əl-İttihad klublarıdır.[2]
Bebeto milli yığmada 1985-ci ildə debüt etdi. 1988-ci ildə Seulda keçirilən Yay Olimpiya OyunlarındaBraziliya millisi ilə gümüş medal qazandı. 1989-cu ildə Braziliyada keçirilən Amerika Kubokunda Braziliya yığması ilə turnirin qalibi, vurduğu 6 qolla isə turnirin bombardiri oldu.[3] 1989-cu ildəki uğurlu çıxışı nəticəsində Cənubi Amerikada ilin futbolçusu seçildi. 1994-cü ildə Braziliya dünya kubokunun sahibi olarkən Bebeto, vurduğu 3 qolla millinin ən məhsuldar oyunçularından biri oldu. 1990, 1994, 1998 dünya kuboklarında iştirak etdi və 2002-ci ildə karyerasını bitirdi. Bebeto 2010-cu ildə Rio-de-Janeyro ştatında konqresə seçilmişdi.
Vikianbarda əlaqəli mediafayllar
