AK-47

AK-47
avtomat rejimli döyüş silahı
Tipi	Avtomat
Ölkə	SSRİ
İstismar tarixçəsi
İstismar illəri	1949-Davam edir
İstismara başlanması	1949
İstismar edənlər	Keçmiş Varşava Paktı dövlətləri və bir sıra digər dövlətlər
İstifadə edilən döyüşlər	Laos vətəndaş müharibəsi, Kambocada vətəndaş müharibəsi, Çin-Vyetnam müharibəsi, İran-İraq müharibəsi, Körfəz müharibəsi, Xorvatiya müharibəsi, Bosniya müharibəsi, İraq müharibəsi, Suriyada vətəndaş müharibəsi, Yuqoslaviya müharibələri, Macar inqilabı
İstehsal tarixçəsi
Konstruktor	Mixail Kalaşnikov
Konstruksiya tarixi	1944-1946
İstehsalçı	İjmaş
Variantları	AKM, AK-74, AK-74M, AKS-74U, AK-105
Xüsusiyyətləri
Ağırlığı	4,3 kg (boş maqazinlə)
Məsafə	100-800 m, nişangahın nizamlamasına bağlı olaraq
Uzunluğu	870 mm (taxta qundaqla)
Lülənin uzunluğu	415 mm
Kalibr	7,62
Mərminin başlanğıc sürəti	600 atəş/dəqiqə
Effektiv məsafə	100-800 m, nişangahın nizamlamasına bağlı olaraq
Nişangah	Nizamlanabilən adi nişangah, nişangah radiusu- 378 mm
Vikianbarda əlaqəli mediafayllar

Kalaşnikov avtomatı-AK-47 (rus. Автомат Калашникова образца 1947 года) — avtomatik rejimli döyüş silahı. Dünyada ən geniş yayılmış odlu silahdır. Həm tək, həm ،də avtomat rejimdə ardıcıl atəşaçma qabiذliyyətinə malikdir. Yüksək etibarlığı və sadə qulluq olunması ilə fərqlənir.

,،

Tarixi haqqında

1943-cü ildə Elizarov və Seminanın işlədikləri 7,62 mm patrona uyğun olaraq yeni silah hazırlanmağa başlanır. Pistolet-pulemyotları əvəz etmək üçün yeni fərdi avtomatik silaha ehtiyac var idi. Bu avtomat dəyişiləbilən daraq və rejimləri çevirən mexanzimə malik, karabin daraqlı, yəni özü gülləni verən, yüngül pulemyot xassələri özündə cəmləməli idi.

Avtomat üzərində ilk işi 1944-cü ildə bir çox orijinal konstruksiyalar layihələndirmiş Sudayev aparır. Sonralar bu avtomatın üzərində Kalaşnikov işləməyə başlayır. 1946-cı ildə o öz konstruksiyasını nümayiş etdirir. Bu avtomat sınaqlardan keçərək yaxşı nəticələr göstərir. 1947-ci ildə orduda tətbiqi təklif olunur. Nəticədə Kalaşnikovun avtomatı Deqtyarev, Simonov, Rukavişnikov, Barışev tərəfindən hazırlanmış bütün avtomatlardan üstün sayılır. Orduda sınaqdan keçdikdən sonra Kalaşnikov avtomatı 1948-ci ildə silahlı qüvvələrə götürülür.

AK-46

Kalaşnikov avtomatının ilk prototipi AK-46 1946-cı ildə nümayiş etdirilsə də, o orduya qəbul edilmir. İlk nümunələrə AK-1 və AK-2 adı verilir. 1946-cı ildə bu avtomatlar sınaq zamanı yaxşı nəticə göstərirlər. Xarici görünüşünə görə AK-46 avtomatı alman avtomatı olan StG 44 dən fərqlənmirdi. Sonralar işlənmiş AK-47 avtomatı da alman avtomatı StG 44-də heç də çox fərqlənməmişdir. Sınaqdan sonra avtomat yenidən təkmilləşdirməyə göndərilir.

Alman hücum silahı StG 44 1943/44.

Kalaşnikov avtomatı və alman avtomatı StG 44 arasındakı oxşarlıq uzun müddət SSRİ və xarici ölkələr arasında olan mübahisəyə səbəb olmuşdur. Almanlar bunun StG 44-ün surəti olduğunu təkid etsələr də, ruslar bu fikri təkzib edirdilər. Əslində Kalaşnikov avtomatının hazırlanmasının əsasında məhz StG 44 silahının konstruksiyası durur və bunu adi gözlə də görmək olur.

İkinci dünya müharibəsi bitdikdən sonra "StG 44" avtomatının istehsalı ilə məşğul olan Henel firmasının yerləşdiyi ərazi rusların nəzarətinə keçir. 1945-ci ildə Henel firması mülki malların istehsalı ilə məşğul olmasına baxmayaraq, onlar SSRİ-nin sifarişi əsasında 50 ədəd StG 44 avtomatını yığıb SSRİ-yə göndərirlər. Eyni zamanda 10785 vərəqdən ibarət hazırlama cizgisi də SSRİ-nin əlinə keçir.