Hər kəsin redaktə edə biləcəyi azad ensiklopediya olan

Vikipediyaya xoş gəlmisiniz!

Hal-hazırda Azərbaycanca Vikipediyada 203.089 məqalə mövcuddur.

Həftənin seçilmiş məqaləsi

Anıtqəbirin tarixi — Ankara ilinin Çankaya ilçəsində yerləşən və Mustafa Kamal Atatürkün məqbərəsinin yer aldığı bina kompleksi olan Anıtqəbirin tikilməsi ideyası, Atatürkün 1938-ci il 10 noyabrda ölümündən sonra yaransa da, Atatürkün nəşinin Ankarada bir məqbərə tikilənə qədər Ankara Etnoqrafiya Muzeyində qalmasına qərar verildi.

Məqbərənin tikiləcəyi yeri müəyyən etmək üçün hökumət tərəfindən komissiya yaradıldı. Hazırlanan hesabata uyğun olaraq Cümhuriyyət Xalq Partiyası parlamenti qrupunun 1939-cu il yanvarın 17-də keçirilən iclasında binanın Rasattəpədə tikilməsinə qərar verildi. Bu qərardan sonra, binanın dizaynını müəyyən etmək üçün 1941-ci il 1 martda beynəlxalq layihə müsabiqəsi elan edildi. 2 mart 1942-ci ildə başa çatan müsabiqənin qiymətləndirilməsi nəticəsində bəzi dəyişikliklərlə Emin Onat və Orhan Ardanın layihəsinin həyata keçirilməsinə qərar verildi. Təqdim olunan ikinci layihədə bir daha edilən dəyişikliklərdən sonra memarların yaratdığı üçüncü layihənin 4 iyul 1944-cü ildə İctimai İşlər Nazirliyi ilə memarlar arasında imzalanmış müqavilə ilə icra mərhələsinə keçildi. Anıtqəbrin tikintisinə 1944-cü il 9 oktyabrda təməlqoyma mərasimi ilə başlanıldı.

(Davamı...)

Həftənin yaxşı məqaləsi

"GIF"in tələffüzü — "Graphics Interchange Format" qrafik mübadilə formatının akronimi olan "GIF" sözünün necə tələffüz edilməsi. Bu məsələ 1990-cı illərdən bəri mübahisə mövzusudur. İngilis dilində populyar olaraq təkhecalı söz kimi tələffüz olunan akronimin ingilis dilində ən çox işlənən tələffüzü /dʒɪf/ (yumşaq "g"; Azərbaycan dilində "cib" sözündəki "c" kimi) və /ɡɪf/ (sərt "g"; Azərbaycan dilində "qara" sözündəki "q" kimi) kimidir, burada fərqlənən cəhət "G" hərfi ilə təmsil olunan fonemdir. Bir çox ictimai xadim və qurumlar mövzu ilə əlaqədar müzakirələrdə tərəf tutmuş, formatın yaradıcısı Stiven Vilhayt özü 2013-cü il "Webby Awards" mərasimində çıxış edərək yumşaq "g" ilə edilən tələffüzün düzgün olduğunu bildirmişdir.

Hər bir tələffüz formasının istifadə edilmə tezliyi regionlara görə fərqli olsa da, aparılan sorğulara əsasən ümumi mənzərədə sərt "g" ilə edilən tələffüzün daha çox istifadə olunduğu müəyyən edilmişdir. Bundan əlavə, bəzi natiqlər akronimdəki hər hərfi tələffüz edərək ^ⓘ/dʒiː aɪ ɛf/ formasından istifadə edirlər. İngilis dilinin lüğətlərində ümumi olaraq hər iki əsas alternativi etibarlı qəbul edilir və linqvistik təhlillər ingilis dilində olan oxşar sözlərin tələffüz tezliklərinə əsaslanaraq hər ikisi üçün aydın üstünlük göstərmirlər. Akronimin tələffüz formaları ingilis dilindən başqa dillərdə də dəyişə bilir.

(Davamı...)

Həftənin seçilmiş siyahısı

Fiziologiya və ya tibb üzrə Nobel mükafatı laureatlarının siyahısı — Fiziologiya və ya tibb üzrə Nobel mükafatı — (isv. Nobelpriset i fysiologi eller medicin) Karolinska İnstitutu tərəfindən fiziologiya və ya tibbin müxtəlif sahələri üzrə alimlərə və həkimlərə təqdim olunan illik mükafat. Bu mükafat Alfred Nobelin 1895-ci ildəki vəsiyyəti əsasında təsis edilmiş edilmiş beş Nobel mükafatından biridir.

Bu mükafatlar kimya, fizika, ədəbiyyat, sülh və fiziologiya və ya tibb sahələri üzrə əlamətdar töhfələr verənlərə təqdim olunur. Nobelin vəsiyyətinə əsasən, mükafat Nobel Fondu tərəfindən idarə olunur və beş üzvdən ibarət bir komitə və Karolinska İnstitutu tərəfindən seçilmiş bir icra katibi tərəfindən verilir.

Əsasən Tibb üzrə Nobel mükafatı olaraq adlandırılsa da, Nobel vəsiyyətində mükafatın xüsusi ilə "fiziologiya və ya tibb" üzrə veriləcəyini qeyd etmişdir.

(Davamı...)

Günün seçilmiş şəkli

Xəbərlər

Myanmada baş verən 7,7 bal gücündə zəlzələ nəticəsində Myanmada 2600-dən artıq insan, Tailandda isə 18 nəfər həlak olub.
İstanbul Böyükşəhər Bələdiyyəsinin sədri Əkrəm İmamoğlunun (şəkildə) saxlanılmasının ardından ölkədə hökumət əleyhinə etirazlar başlayıb.
Rumıniya Prezidenti Klaus Yohannis vəzifəsindən istefa verib və onun yerinə müvəqqəti olaraq senat sədri İlie Bolojan keçib.

Aktual hadisələr: Rusiya–Ukrayna müharibəsi • Sudanda vətəndaş müharibəsi

Son ölümlər: Çingiz İsmayılov, Filiz Akın, Corc Foreman, Osman Sınav, Ziyadxan Əliyev, Ənvər Həsənov

Bilirsinizmi?

Yaponiya qorxu yazıçısı Uketsunun (şəkildə) əsl kimliyini sadəcə 30 nəfər bilir.
Animelərdə səsləndirdiyi rus personajlara görə tanınan Sumire Uesakanın rəsmi fanat klubu "Kolxoz soğan tarlası" adlanır.
Heç vaxt papağını başından çıxarmamış Mahmud Esambayev SSRİ-də pasport şəklini papaqla çəkdirməsinə icazə verilən yeganə şəxs olmuşdur.
Hindistanın Uttar-Pradeş ştatından olan aktivist Lal Bihari 1975–1994-cü illərdə rəsmi olaraq ölü kimi qeydiyyatda olmuş və 19 il boyunca Hindistan bürokratiyasına sağ olduğunu sübut etməyə çalışmışdır.
Bakı şəhərində yerləşən Şanxay qəsəbəsi öz adını Hacı Salman adlı yerli sakinin Çinin Şanxay şəhərinə səyahət etməsi səbəbilə almışdır.

Tarixdə bu gün

1 aprel: Ümumdünya gülüş günü

Apple logo

1808 — Finlandiya Rusiya imperiyasına birləşdirildi.
1955 — Kiprdə Türk Müqavimət Təşkilatı fəliyyətə başladı.
1970 — Riçard Nikson ABŞ-da televiziya və radioda tütün məhsullarının reklamını qadağan edən fərman imzaladı.
1976 — Stiv Cobs, Stiv Voznyak və Ronald Uayn tərəfindən "Apple" şirkəti yaradıldı.
1979 — Ayətullah Xomeyni İran İslam Respublikasının yaradıldığını elan etdi.
2004 — Google şirkəti Gmail elektron poçt xidmətini yaratdığını elan etdi.
2009 — Xorvatiya və Albaniya NATO-ya qəbul edildilər.

Digər günlər: 31 mart – 1 aprel – 2 aprel

Arxiv – e-məktub ilə – İlin digər günləri – Haqqında

Hazırda 1 aprel 2025 (UTC) – Səhifəni yenilə

Kömək səhifələri

Vikipediya

Vikimedia Fondunun digər layihələri