golondru

Asturianu

Golondru Chelidonichthys lucerna.

Golondru Chelidonichthys lastoviza.

Golondru Chelidonichthys cuculus.

Pronunciación

• [ ɣoˈlo(ŋ)n.dɾu ]

«golondru»

(rexistru)

Etimoloxía

• Masculinización del términu «golondra», regresivu de «golondrina», nome de páxaru aplicáu a pexes del xéneru Trigla por mor de la identificación de les aletes pectorales d'estos exemplares con ales.

Sustantivu

masculín singular golondru; plural golondros

1. (Ictioloxía) Cualquier pexe marín de la familia de los tríglidos, que tien un cuerpu allargáu y cónicu de gran cabeza triangular o cuadrada protexida por una estructura ósea, espines pel cuerpu, les aletes pectorales suelen tar mui desarrollaes y tener forma d'abanicu, de coloración normalmente encarnada, que vive nel fondu marín y que ye a producir soníos. → definición non incluyida nel DALLA
2. (Ictioloxía) Pexe marín de cuerpu allargáu y cónicu, que pue algamar los 75 cm de llargor, de color encarnao pel llombu, más claro pelos costaos y blancuxo pel vientre, de cabeza grande y triangular colos güeyos grandes y saltones, coles aletes pectorales mui desarrollaes y que puen abrise en forma d'abanicu, de nome científicu Chelidonichthys lucerna.
3. (Ictioloxía) Pexe marín de cuerpu allargáu y cónicu, que pue algamar los 40 cm de llargor, de color encarnao con manches escures pel llombu y costaos, y el vientre de color blanco, de cabeza grande y triangular col perfil reutu, les aletes pectorales, de color abuxao con zones de color azul, puen abrise en forma d'abanicu, de nome científicu Chelidonichthys lastoviza.
4. (Ictioloxía) Pexe marín de cuerpu allargáu, finu y cónicu, que pue algamar los 50 cm de llargor, de color encarnao con manches escures pel llombu y pelos costaos y el vientre blancu, les aletes de color arrosao, de cabeza grande y triangular col perfil cóncavu, de nome científicu Chelidonichthys cuculus.

Sinónimos

• [1] golondra, pirlón
• [2] capellán, golondra, golondrina, pirlón
• [3] cabezón, golondra, pirlón
• [4] cornudu, pirlón

Traducciones y equivalencies

«golondru»: cualquier pexe del xéneru Trigla

Catalán: lluerna (ca) Español: rubio (es) Francés: grondin (fr) Gallegu: escacho (gl), alfóndega (gl), berete (gl), rubio (gl), cavillón (gl)

Inglés: gurnard (en), sea robin (en) Portugués: cabra (pt), ruivo (pt) Vascu: perloi (eu)

«golondru»: pexe Chelidonichthys lucerna

Catalán: lluerna (ca), lluerna vera (ca), juliola (ca) Español: bejel (es) Francés: grondin perlon (fr) Gallegu: alfóndega (gl), escacho amarelo (gl)

Inglés: tub gurnard (en), sapphirine gurnard (en) Portugués: cabra-cabaço (pt)

«golondru»: pexe Chelidonichthys lastoviza → ver traducciones na entrada cabezón

ver traducciones na entrada cabezón

«golondru»: pexe Chelidonichthys cuculus → ver traducciones na entrada cornudu

ver traducciones na entrada cornudu

Consulta na Wikipedia l'artículu tocante a «golondru».

Referencies

• Diccionariu de la Llingua Asturiana; Academia de la Llingua Asturiana, 2000, Uviéu; ISBN: 84-8168-208-X. Versión on-line.
• Diccionario General de la Lengua Asturiana; Xosé Lluis García Arias, Editorial Prensa Asturiana, 2002-2004, Uviéu; ISBN: 84-87730-86-8. Versión on-line.
• Diccionariu Asturianu-Castellanu; Xuan Xosé Sánchez Vicente, ed. Trabe, Uviéu, 2021; ISBN: 978-84-18286-67-4.
• Diccionariu Temáticu Asturianu; Ramón d'Andrés, Alborá Llibros Ediciones, 1991, Xixón; ISBN: 84-87562-06-X.
• Nomenclátor de los seres vivos en llingua asturiana, Sabencia - Sociedá Asturiana de les Ciencies. Consulta on-line.
• Diccionariu Etimolóxicu de la Llingua Asturiana; Xosé Lluis García Arias, Universidá d'Uviéu & Academia de la Llingua Asturiana, 2017-2021, Uviéu; ISBN: 978-84-17445-18-8.