Xuramentu olímpicu
El xuramentu olímpicu ye un xuramentu realizáu por un atleta na ceremonia d'apertura de los Xuegos Olímpicos.
L'atleta, del equipu del país organizador, sostién nuna esquina la bandera Olímpica mientres llee'l xuramentu, que diz:
En nome de tolos competidores, prometo que vamos participar nestos Xuegos Olímpicos, cumpliendo y respetando colos sos reglamentos, comprometiéndonos a un deporte ensin dopaxe y ensin drogues, con verdaderu espíritu deportivu, pola gloria del deporte y l'honor de los nuesos equipos.
El xuez, tamién del país organizador, diz daqué asemeyáu, pero afechu al so cometíu:
En nome de tolos xueces, árbitros y personal oficial, prometo que vamos oficiar estos Xuegos Olímpicos ensin prexuicios, respetando y ateniéndonos a les regles que los gobiernen con verdaderu espíritu deportivu.
L'entrenador tamién fai usu del so propiu xuramentu, esti llevase a cabu dende Londres 2012:
En nome de tolos entrenadores y miembros d'esta comitiva d'atletes, prometo que vamos a comprometenos n'asegurar que l'espíritu deportivu y el xuegu llimpiu seyan dafechu respetaos en conformidá colos principios fundamentales de los Xuegos Olímpicos.
Historia
[editar | editar la fonte]El Xuramentu Olímpicu, escritu por Pierre de Coubertin, foi realizáu por un atleta per primer vegada nos Xuegos Olímpicos d'Amberes 1920. No que cinca a los xueces, el so primer xuramentu tuvo llugar nos Xuegos Olímpicos de Múnich 1972.
El testu del xuramentu camudó llixeramente a lo llargo de los años. El xuramentu fechu por Victor Boin en 1920 diz asina:
Xuramos que vamos tomar parte nos Xuegos Olímpicos con un espíritu de nobleza, pol honor del nuesu país y pola gloria del deporte.
Darréu camudóse "xurar" por "prometer" y "país" per "equipu". La parte tocante al dopaxe foi añadida nos Xuegos Olímpicos de Sydney 2000.
Referencies
[editar | editar la fonte]Enllaces esternos
[editar | editar la fonte]| Control d'autoridaes |
|
|---|
Datos: Q210157