Max Weber
Maximilian Weber (21 d'abril de 1864, Erfurt – 14 de xunu de 1920, Munich) foi un economista y sociólogu alemán, consideráu ún de los fundadores del estudiu antipositivista de la socioloxía y de l'alministración pública. Los sos trabayos más importantes céntrense na socioloxía de la relixón y nel gobiernu, pero tamién escribió muncho d'economía.
La so obra más importante ye La ética protestante y l'espíritu del capitalismu. Weber argumentó que la relixón foi una de les razones más importantes qu'influyó na diferenciación d'Occidente y d'Oriente. N'otra de les sos obres más conocíes La política como vocación, Weber definió l'Estáu como una entidá que reclama de xeitu llexítimu'l monopoliu de la violencia pal consiguimientu d'unos fines daqué que nes ciencies polítiques conozse col nome de Tesis de Weber. Tamién ye de destacar el so estudiu de la burocratización de la sociedá, nel que describe la burocratización como'l cambiu d'una organización basada nos valores y na aición p'hacia otra organización basada nos oxetivos y na aición.
Webber entamó los sos estudios de Drechu na Universidá de Heidelberg. Tamién estudió n'otres universidaes, como la de Berlín, onde se dedicó principalmente a la Historia. Asina, doctoróse en Drechu en 1889 y entró a formar parte del cuerpu de profesores de la institución berlinesa. Impartió economía nes universidaes de Friburgu de Brisgovia (1894) y de Heidelberg (1896). Por razones de salú dexó la docencia en 1903, pero tornó en 1918.
Tamién s'ocupó de la redaición d'una de les primeres revistes dedicaes a la socioloxía, Archivu de Ciencies Sociales. En 1905 apareció'l más famosu de los sos estudios, La ética protestante y l'espíritu del capitalismu. Yá en 1909 fundó xunto con Georg Simmel y Ferdinand Tönnies l'Asociación Alemana de Socioloxía. Considéraselu xunta Karl Marx, Wilfred Pareto, Ferdinand Tönnies ya Émile Durkheim ún de los pás de la socioloxía.
Durante la Primer Guerra Mundial desendolcó un notable papel críticu a la escontra la política belicisa del II Reich. Dempués de la guerra, foi miembru del Comité d'Espertos de la Delegación pa la Paz de Versalles. Tamién integró la Comisión redautora de la Constitución de Weimar.
Referencies
[editar | editar la fonte]- ↑ Afirmao en: Gemeinsame Normdatei. Data de consulta: 10 avientu 2014. Llingua de la obra o nome: alemán. Autor: Biblioteca Nacional d'Alemaña.
- ↑ 2,0 2,1 Afirmao en: Gemeinsame Normdatei. Data de consulta: 9 abril 2014. Llingua de la obra o nome: alemán. Autor: Biblioteca Nacional d'Alemaña.
- ↑ Afirmao en: Gemeinsame Normdatei. Data de consulta: 30 avientu 2014. Llingua de la obra o nome: alemán. Autor: Biblioteca Nacional d'Alemaña.
- ↑ Afirmao en: Find a Grave. Identificador Find a Grave: 9333864. Llingua de la obra o nome: inglés.
- ↑ 5,0 5,1 URL de la referencia: https://link.springer.com/article/10.1007/s11609-021-00441-x. Data de consulta: 5 mayu 2022.
- ↑ Identificador GND: 118629743.
- ↑ Biblioteca Nacional de Francia. «autoridaes BNF» (francés). Consultáu'l 10 ochobre 2015.
- ↑ URL de la referencia: https://books.google.com/books?id=6VDjAQAAQBAJ&pg=PT125.
- ↑ URL de la referencia: https://books.google.com/books?id=6VDjAQAAQBAJ&pg=PT264.
- ↑ 10,0 10,1 URL de la referencia: https://books.google.com/books?id=6VDjAQAAQBAJ&pg=PT209.
- ↑ 11,0 11,1 Afirmao en: www.haw.uni-heidelberg.de. Identificador de miembru de l'Academia de Ciencies y Humanidaes de Heidelberg: 850. Llingua de la obra o nome: inglés.
- ↑ URL de la referencia: https://wsimag.com/es/cultura/47608-max-weber-y-la-razon-moderna.
Enllaces esternos
[editar | editar la fonte]| Control d'autoridaes |
|
|---|
Datos: Q9387
Multimedia: Max Weber
Cites famoses: Max Weber
Testos: Autor:Max Weber