Linux

Linux
Creador	Linus Torvalds
Versión inicial	17 setiembre 1991
Última versión	6.7.6 (versión estable, 8 xineru 2024); 6.5-rc7 (versión RC (es) , 20 agostu 2023)
Escritu en	Llinguaxe de programación C, Llinguaxe ensamblador y Rust
Plataforma	DEC Alpha (es) , x86 (es) , x86_64, ARM, PowerPC, RISC-V (es) y MIPS
Tipu	proyeutu, obra collaborativa y sistema operativu
Orixe del nome	nucleu Linux, Linus Torvalds y Unix
Distribución	distribución dixital, disquete, CD-ROM (es) y DVD-ROM (es)
Más información
Sitiu web	Web oficial
Etiqueta de Stack Exchange	Stack Exchange

Esti artíciulo fala del nucleu Linux, si busca información al rodiu les distribuciones del sistema operativu completu fechu del amiestu del proyeutu GNU y Linux, vea GNU/Linux.

Linux ye un nucleu o kernel pa sistemes operativos con llicencia llibre y polo xeneral suel dir acompañando a los paquetes de software de GNU formando el sistema operativu GNU/Linux (a este sistema completu y funcional nómase popularmente Linux, a seques.

Esti nucleu, escritu cuasi tou en C con dalgunes estensiones GNU C, foi desarrollau pol hacker finlandés Linus Torvalds, quien nun primer momentu quería facer un sistema operativu completu asemeyáu a Unix que funcionara con microprocesadores Intel 80386, aunque finalmente amestose al proyeutu GNU.

El proyeutu ñació en 1991 col famosu mensaxe nel grupu comp.os.minix d'Usenet, que caltenía lo siguiente:

I'm doing a (free) operating system (just a hobby, won't be big and professional like gnu) for 386(486) AT clones...^[3]

Toi faciendo un sistema operativu (llibre) (namás un pasatiempu, nun será nada grande y profesional como GNU) pa clones AT 386(486)...

Linus Torvalds

De secute, los hackers de Minix aportaron idees y códigu al nucleu Linux, y güei recibiera contribuciones de miles de programadores.

Torvalds sigue lliberando nueves versiones del nucleu, consolidando aportes d'otros programadores y faciendo cambios el mesmu. Toles versiones de Linux que tienen el númberu de sub-versión (el segundu númberu) par, pertenecen a la serie "estable", por exemplu: 1.0.x, 1.2.x, 2.0.x, 2.2.x, 2.4.x y aguañu 2.6.x, demientres que les versiones con sub versión impar, como la serie 2.5.x, son versiones de desarrollu, esto ye que nun consideranse de producción. Mientres que Torvalds continúa lliberando les caberes versiones de desarrollu, el mantenimientu de las rama "estables", siempres algo mas vieyes, deleganse a otros programadores, incluyendo a David Weinehall (2.0), Alan Cox (2.2), Marcelo Tosatti (2.4) y Andrew Morton (2.6). Amás d'estes versiones "oficiales" del nucleu, puede obtenese versiones "alternatives" d'otres fuentes. Los encargaos de les Distribuciones de GNU/Linux, normalmente mantienen les sus propies versiones del nucleu, que dalgunes vegaes por exemplu, traen controladores que nun tan na versión oficial.

La rama estable d'anguaño^[¿cuándo?] ye la 2.6.x. La serie 2.6 ya caltién munches meyores de la versión estable d'enantes: 2.4. Entre elles destaca la posibilidá de correr una nueva copia del nucleu Linux enriba Linux, n'Espaciu d'Usuariu, dalgún modu asemeyáu a una máquina virtual, usando'l sistema en Modu Usuariu (GNU/Linux).

La mascota de Linux ye un pingüín con barrigón nomau Tux, fechu por Larry Ewing.

Ver tamién

Referencies

↑ Greg Kroah-Hartman (23 febreru 2024). «Linux 6.7.6». Linux kernel mailing list. Consultáu'l 28 febreru 2024.
↑ «mainline: 6.5-rc7 2023-08-20» (20 agostu 2023). Consultáu'l 27 agostu 2023.
↑ Mensaxe orixinal

Enllaces esternos

[0723040333cb5ed24903cf712053c1e6bbbbee26-1] Greg Kroah-Hartman (23 febreru 2024). «Linux 6.7.6». Linux kernel mailing list. Consultáu'l 28 febreru 2024.

[24e58c276fd423d3a09469b4d70317104d87a452-2] «mainline: 6.5-rc7 2023-08-20» (20 agostu 2023). Consultáu'l 27 agostu 2023.

[3] Mensaxe orixinal

[3]