Kent McCord

Kent McCord
Vida
Nacimientu	Los Angeles, 26 de setiembre de 1942 (82 años)
Nacionalidá	Estaos Xuníos
Llingua materna	inglés
Estudios
Estudios	Baldwin Park High School (en)
Llingües falaes	inglés
Oficiu	actor, actor de televisión, actor de cine, guionista, sindicalista
IMDb	nm0566382

Kent McCord (26 de setiembre de 1942, Los Angeles) ye un actor d'Estaos Xuníos.

Carrera

Nacíu col nome de Franklin Kent McWhirter, en Los Angeles, California. Entamó la so carrera participando como extra en películes como Viva Las Vegas (1964) y Roustabout (1964) con Elvis Presley, The Americanization of Emily (1964), con James Garner, The Disorderly Orderly (1964), con Jerry Lewis. Tamién tuvo papeles nes películes ¿Y ónde ta'l pilotu? II (1982), como'l navegador Dave Unger, Predator 2 (1990), como'l Cápitan B. Pilgrim, Illicit Behavior (1992), Return of the Living Dead III (1993), como'l Coronel John Reynolds, With Criminal Intent (1995), Megiddo: The Omega Code 2 (2001), y Run Ronnie Run (2002).

Televisión

Kent McCord tien el so primer papel en televisión na serie The Adventures of Ozzie & Harriet (1964), onde interpreta a un estudiante. En 1967 actúa interpretando al oficial Jim Reed a lo llargo de 8 episodios de la lexendaría serie de detectives Dragnet creada y protagonizada por Jack Webb. Tamién foi Jack Webb el creador de la serie Adam-12 (1968-1975) que llanzó a McCord a la fama, él interpretó'l papel del oficial Jim Reed- en 174 episodios de la serie, el so compañeru na serie foi l'oficial Pete Malloy- interpretáu por Martin Milner.

Adam-12 foi una de les series policiales más éxitoses de tolos tiempos.

Como actor invitáu tuvo intervenciones nes series The Virginian, Alma d'Aceru, Ironside, Emerxencia, Marcus Welby, M.D., The Love Boat, Galactica 1980 como'l Cápitan Capt, Troy, Monsters, MacGyver, Reportera del crime y munches más.

Referencies

↑ Afirmao en: SNAC. Identificador SNAC Ark: w63x9332. Apaez como: Kent McCord. Data de consulta: 9 ochobre 2017. Llingua de la obra o nome: inglés.

N'inglés: Historical dictionary of the 1970s Escritu por James Stuart Olson

Enlace

https://www.imdb.com/name/nm0566382/

[c70ebbd95e900c9db07e2999ba8a5cb0762eae5a-1] Afirmao en: SNAC. Identificador SNAC Ark: w63x9332. Apaez como: Kent McCord. Data de consulta: 9 ochobre 2017. Llingua de la obra o nome: inglés.

[1]