قمر
| ||||
|---|---|---|---|---|
 | ||||
| على اسم | النور | |||
| الأوج | 405500 كيلومتر | |||
| الحضيض | 363300 كيلومتر | |||
| المسافة من الأرض | 385000.5 كيلومتر [1] | |||
| نصف المحور الرئيسي | 384400 كيلومتر | |||
| الشذوذ المداري | 0.0567 | |||
| فترة الدوران | 27.321661 يوم [2] | |||
| الميل المداري | 5.145 درجة | |||
| تابع إلى | الارض | |||
| نصف القطر | 1737.1 كيلومتر ، و1738.14 كيلومتر ، 1735.97 كيلومتر | |||
| التفلطح | 0.00125 | |||
| الحجم | 21968000000 متر مكعب | |||
| الكتلة | ||||
| الحرارة | ||||
| القدر الظاهري | ||||
تعديل  |
||||
القمر (الرمز: 
) هو التابع الوحيد الطبيعى اللى بيلف حوالين كوكب الارض و اقرب جسم سماوى ليها حسب المسافه و اكتر حاجه بتنور فى السما بعد الشمس.القمر بترمز له بالرمز 
.
جمال القمر من اكتر الحاجات اللى الهمت الشعرا و شعللت الخيال بتاع الشعوب القديمه و اثرت على الاديان و الثقافات و التقاليد بتاعتهم.من زمان و البشر القدام بيقدسو القمر و بيعبدوه و المصريين القدام كانو بيسموه ياح و ربطو بينه و بين الالاه خونسو و الالاه تحوت و سمو اولادهم اسامى مشتقه من كلمه ياح زى احموس و اللى معناها ابن القمر او القمر اتولد.
البحاره القدام اهتمو بدراسة القمر و قدرو يربطو بين حركته و بين ظواهر طبيعيه و نجحو فى انهم يخمنو المواعيد بتاعة المد و الجزر بدقه معقوله.
مع بداية عصر الفضاء ،القمر كان اول مكان يتجه ليه البشر بره كوكب الارض و الوحيد اللى نجحو انهم يمشو عليه و يجمعو معلومات عنه اكتر من اى معلومات جمعوها عن اى جسم سماوى تانى.
القمر عباره عن جسم مكور مليان صخور و بيلف حوالين الارض مره كل 27.32 يوم تقريا و بيلف حوالين نفسه مره كل 29 يوم و 1/2 و بيلف مع الارض حوالين الشمس مره كل 365 يوم بالتقريب.متوسط المسافه بين القمر و الارض (من المركز للمركز) 384,403 كم و قطره فى اعرض حته بيساوى 3,474 كم (اكبر بشويه صغيره من ربع قطر الارض)..
كتلة القمر بتساوى تقريبا سدس (6/1) كتلة الارض و عشان كده الجاذبيه بتاعته بتساوى بس سدس جاذبية الارض و جاذبيته الضعيفه دى ما بتمكنوش من انه يكون عنده غلاف جوى مستقر.درجة حرارة القمر بتتراوح ما بين +127 بالنهار و -173 بالليل و ممكن توصل عن القطبين بتوعه لـ -240.
القمر ماعليهوش اى نوع من انواع الحياه بعكس كوكب الارض ، السما بتاعته سودا طول النهارده و الليل و عشان كدا ما بتبانش فيها اى نجوم
- ↑ https://cddis.nasa.gov/lw13/docs/papers/sci_williams_1m.pdf
- ↑ رمز المعلومات المكتبية في نظام البيانات الفلكية الفيزيائية (ADS bibcode): https://ui.adsabs.harvard.edu/abs/2006RvMG...60..221W