عصام حجى
| ||||
|---|---|---|---|---|
 | ||||
| معلومات شخصيه | ||||
| الميلاد | سنة 1975 (العمر 48–49 سنة) | |||
| الحياه العمليه | ||||
| المدرسه الام | جامعة القاهره جامعة بيير ومارى كورى (الشهادة:دكتوراه الفلسفة ) (1 سبتمبر 1999–1 سبتمبر 2002)[1] | |||
| شهاده جامعيه | دكتوراه الفلسفة | |||
| المهنه | عالم فلك | |||
| موظف فى | جامعة جنوب كاليفورنيا [2]، ومعهد كاليفورنيا للتكنولوجيا (كالتيك) [3] | |||
تعديل مصدري - تعديل  | ||||
عصام حجى ، عالم مصرى و واحد من تمن علما فى وكالة الفضا الأمريكيه " ناسا " مهمتهم استكشاف سطح كوكب المريخ والتمهيد لنزول البشر عليه سنة 2002. بيلقب بـ " رجل المريخ ".
دراسته
[تعديل]بعد ما خلص دراسته فى مصر اتعين مدرس مساعد فى جامعة القاهره و بعد ما اشتغل تلت سنين اشتغل سافر امريكا فى منحه تعليميه لتكميل دراساته البحثيه لكن استقر فى امريكا
بحوث الفضا
[تعديل]عصام حجى اشتغل فى معهد بحوث الفضا فى هيوستن لغاية ما فى سنة 2008 اتنقل لوكالة ناسا الفضائيه و انضم لمشروع اكتشاف كوكب المريخ التابع للوكاله فى لوس انجليس و بقى مسؤول عن مراكب الفضا و رئيس للفريق البحثى فى معمل محركات الدفع الصاروخى اللى بيعتبر اكبر معامل وكالة ناسا الفضائيه.
عصام حجى بقى واحد ن تمن علما مسؤولين عن متابعة الإشارات الجايه من كوكب المريخ على مدار الساعه ، و التنسيق مع رواد الفضا و تدريبهم على استعمال الكاميرات الراداريه للوصول بالظبط للاماكن اللى بيتجمع فيها التلج تحت سطح القمر و المريخ و التعرف على خواصها الچيوفيزيائيه و طرق جمع العينات من المناطق دى و كمان دراسة المكونات الجيولوجية بتاعة القمر.
عصام حجى هو اللى صمم الكاميرات اللى كانت على المركب الفضائى " مارس اكسبريس " اللى نزلت على سطح كوكب المريخ سنة 2007. مهمته فى الموضوع هو تصميم و متابعة عمل الكاميرات الراداريه الموجوده فى المراكب الفضائيه اللى بتستكشف القمر و المريخ و تدريب رواد الفضا على استعمال الالات دى و فريقه البحثى مهمته تحديد اقرب اماكن التلج عشان توليد المايه منه و وقود من ال هيدروچين اللازم لمراكب الفضا ، و دى حاجه مهمه و ضروريه لعمل محطه فضائيه مداريه دايمه على القمر لإستكشاف المجموعه الشمسيه و الوصول لكواكب تانيه.
التكنولوچيا دى ممكن تساعد كمان فى تحديد الاماكن اللى فيها مايه جوفيه فى الصحرا و البترول و المعادن و لحد كمان الألغام المدفونه تحت الأرض زى الالغام المدفونه فى الصحرا الغربيه المصريه من وقت الحرب العالميه التانيه و عمل خريطه ليها و بكده ممكن بلاد كتيره تستفيد منها.
لينكات خارجيه
[تعديل]المصادر
[تعديل]- المصرى اليوم ، مؤسسة المصرى اليوم للصحافة والنشر ، عدد 1975، 9 نوفمبر 2009.
- ↑ مُعرِّف الباحثين المساهمين المفتوح (ORCID): https://orcid.org/0000-0001-7476-2735 — تاريخ الاطلاع: 15 مارس 2019
- ↑ ORCID Public Data File 2023 — تاريخ الاطلاع: 10 نوفمبر 2023 — https://dx.doi.org/10.23640/07243.24204912.V1 — الرخصة: CC0
- ↑ ORCID Public Data File 2023 — تاريخ الاطلاع: 10 نوفمبر 2023 — https://dx.doi.org/10.23640/07243.24204912.V1 — الرخصة: CC0