ريا و سكينه
| ||||
|---|---|---|---|---|
 | ||||
تعديل  |
||||
ريا وسكينه اتنين من اشهر السفاحين فى تاريخ الإجرام فى مصر , اخوات من الصعيد و بعدين راحوا على كفر الزيات و فى الاخر استقروا فى اسكندريه فى اوائل القرن العشرين , واللى ارتكبوا فيها جرايمهم.كانوا بيخطفوا الستات ويقتلوهم و يسرقوا دهبهم و كان بيساعدهم فى الجرايم دى محمد عبد العال جوز سكينه و حسب الله سعيد مرعى جوز ريا، و اتنين تانين هم عرابى حسان وعبد الرازق يوسف. اتقبض عليهم واتعدمو بالشنق فى ديسمبر سنة 1921. بيعتبروا اشهر اتنين ستات مجرمين فى تاريخ مصر.
بيوت الجرايم
البيوت اللى حصلت فيها جرايم القتل العمد كانو اربعه وكلها كانت قريبين من ميدان المنشيه فى اللبان ، و كان سوق زنقة الستات القريب من ميدان المنشيه هو اللى بيصطادوا منه اغلب ضحاياهم، والبيوت هى:
- نمره 5 شارع ماكوريس.
- نمره 38 شارع على بك الكبير.
- نمره 6 حارة النجاة.
- نمره 8 حارة النجاة.
ريا وسكينه فى الفن
الكتير من الاعمال الفنية قصة ريا و سكينه استخدمت فى السينما و المسرح و من اشهرهم:
- فيلم ريا وسكينه، انتج سنه 1953، بطوله نجمه ابراهيم و زوزو حمدى الحكيم و انور وجدى و رياض القصبجى و سعيد خليل و فريد شوقى و شكرى سرحان و سميره احمد و برلنتى عبد الحميد .
- فيلم اسماعيل ياسين يقابل ريا وسكينه،انتج سنة 1955 ، بطوله اسماعيل ياسين ومعاه ثريا حلمى و نجمه ابراهيم و زوزو حمدى الحكيم و رياض القصبجى و نظيم شعراوى و عبد الفتاح القصرى و عبد المنعم اسماعيل .
- فيلم ريا وسكينه، انتج سنة 1983، بطوله شريهان و يونس شلبى و حسن عابدين و نعيمة وصفى و نعيمة الصغير و سميحة توفيق و سناء يونس .
- مسرحية ريا وسكينه ، بطولة سهير البابلى و شاديه و عبدالمنعم مدبولى و احمد بدير و سميحة توفيق .
- مسلسل مسلسل ريا وسكينه، انتج 2005، بطوله عبلة كامل و سمية الخشاب و سامى العدل و احمد ماهر و صلاح عبدالله و محمد الشقنقيرى.
- برنامج تلفزيونى عنوانه : ريا وسكينه قدمته هاله فاخر و غاده عبد الرازق
