طنݣ
الطّنݣ (من نݣليزية tank لّي كاتعني سيتيرنة) هو السّمية لّي كاتّعطا ل مجموعة د لمركوبات لمدرّعة لّي كاتّستعمل ف لعمليات لحربية و لّي كايكونو مسلّحين ب مدفع مركّب معاهوم و كايتحرّكو يا ب نضام د الرّوايض مسنسلين ولا ب نضام د الرّوايض خفاف. ف لحالة اللخرا كايكونو هاد النّوع د الطّنوݣا خفاف ف لوزن ديالهوم.[1]
ف لحرب لعالمية اللولا، كانت لجيوش عندها موشكيل باش تختارق لخطوط د الديفاع اللي كانت أساسا مشكلة من كيلوميترات كتيرة ديال لخنادق و لخطوط د الزّرب. لبريطانيين كانو هوما اللوالا اللّي طوّرو هاد السلاح و لفكرة اللولا جاتهوم من التّراكتورات (اللي كانو ف ديك لوقت كايروليو ب روايض مسنسلين) اللّي شافو أنهم كاينفعو باش يتقبو لخطوط ديال الزّرب.
لپروطوتيپات اللوالا كانو على شكل سيتيرنة كبيرة مدرّعة مركّب فيها مدفع مسودي مع لكسدة ديالها، و هادشّي لّي كايفسر السّمية ديال tank.
الطّنوݣا اللوالا اللّي دخلو ل السربيس كانو ف 1916 و كان عندهوم دور كبير ف التّبدال ديال الستراتيجيات د لحرب ف التيران. دغيا دغيا، الدّول لخرا لّي كانت داخلة ف لحرب طورّات تاهيا طّنوݣا ديالها (ألمانيا و فرانسا ب دّات) و ف مدة قصيرة بانو بزّاف ديال الشّكال و كبرات التّكنولوجيا ديالهوم ب الزربة.[1]
- ^ a b "Chars et véhicules blindés". مأرشيڤي من لأصل ف 2023-06-10. تطّالع عليه ب تاريخ 2020-09-16.
|
تقدر تزيد شوف بزاف د تّصاور و لمعلومات ديال Armored fighting vehicles ف ويكيميديا كومنز. |
 هادي زريعة ديال مقالة خاصها تّوسع. تقدر تشارك ف لكتبة ديالها. |