صغيوراني
ف لماط، العدد الصغيوراني (نݣليزية: Infinitesimal) هو لمقدار لّي قرب ل الزيرو من أي عدد حقيقي و عمرو ما كايكون زيرو.[1] لأصل د كلمة Infinitesimal جاي من (لاتينية: Infinitesimus) هي كاتعني الرتبة اللامساليوية (يعني ديال اللامسالية) ف واحد التستيفة. ب الدارجة كلمة الصغيورانية هي نيولوجيزم جات مركب من كلمة صغيور و اللاحق اني للي يعني الرتبة.
الصغيورانيين ما موجودينش ف السيسطيم د لاعداد لحقيقية السطوندار، ولكن موجودين ف سيسطمات ؤخرين ديال لاعداد بحال السيسطيم د لاعداد السريالية ؤ السيسطيم د لاعداد الهيپيريالية، للي ممكن نفكرو فيهم عبارة على لاعداد لحقيقية مزيود عليهم لعبرات الصغيورانية ؤ لممسالياش (النڭليزية: Infinity)؛ هاد الزيادات معاكسين مع بعضياتهم.
لاعداد الصغيورانية تزادو مع التطور ديال لحساب الصغيوراني، فين لشتيقاق تعتابر كا قسمة د جوج لعبرات صغيورانيين. هاد التعريف ما كانش مفورماليزي بطريقة مضبوطة. مع التطور د لحساب الصغيوراني، الصغيورانيين تعوضو ب الليميط للي ممكن تتحسب غير ب لاعداد الحقيقية السطوندار.
الصغيورانيات رجعات ليهم الشعبية ديالهم ف لقرن 20 مع أبراهام روبينسون للي ديڤلوپا التحليل لماسطوندارش ؤ لاعداد لهيپيريالية، للي مور قرون تاع الخلاف، بينات بلي داك الطريقة لقديمة ديال التعاطي مع لحساب الصغيوراني مشروعة.
 هادي زريعة ديال مقالة خاصها تّوسع. تقدر تشارك ف لكتبة ديالها. |