Ọstirelia
Ọstirelia (Mîkiyaka igwen si Oshenia, Sawuulu, Meganesia, Ọstiralinia. Otutuuk erieen̄ chi, ekisa igwen inyi wọlọwọlọ ikakupge, mije îkaan̄ ido me emen ikpele lek ijọn̄ yi ekigwenbe Ọstirelia si.
Ọstirelia ire ge me lek ikpele lek ijọn̄ jaaba ìkukup me linyọn̄. Ọmọ osip ichit me lek ijọn̄ cha; ijọn̄ kan̄ osiki ichit mè iyaka ilaak ichit.
Ido ita gaalek okup me emen Ọstirelia. Ema ere: Ọstirelia, Papua Niyu Ginì, mè usini me lek ido Indonesia. Emen-awaji Pasifik otap ikana ọmọ me agan̄ mbum-ura sà Emen-awaji eyi India otap ikana ọmọ me agan̄ ichep-ura.
Kpechubọk itumu ifieek okike ijọn̄ ọmọ mè Esia, ire, ebi Yuuen ebe ke îre otubọk ijọn̄ Indonesia mè Papua Niyu Ginì ore okike. Ubọk geelek etumube ikeya, usini ene ekimọnọ ke Papua Niyu Ginì ìkup me emen Esia, sà usini ekimọnọ ibe ke usini ere me lek ijọn̄ Indonesia (òrere Esia) ikup inyi Ọstirelia.
Okike ijọn̄ Ọstirelia obenbe ìre 8,600,000 km² ikat ikana. Otu-ifuk ebi ene ìluluk me emen ire 38,000,000 ene. Ọstirelia îkaan̄ usem iwa enenen. Ọmọ okaan̄ usem iwa ichit me etete kọntinenti [ikpele lek ijọn̄] jaaba cha. Ema mîkitumu usem Uket-chieen̄, mè iyaka ikaan̄ si 269 usem ekitumube me emen Papua mè Ọstironesia, mè inikaan̄ 70 usem ekitumube me emen ido Ọstirelia.
Erieen̄ yi, Ọstirelia, ìnan̄a me usem Latin (òrere oka usem ebi Rom). Ìsibi agan̄ osiki.