Val d'Echo
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Val d'Echo | ||
| Municipio d'Aragón | ||
| ||
 Río Aragón Subordán en la val d'Echo | ||
| Entidat • País • Provincia • Comarca |
Municipio Aragón UescaChacetania | |
| Capital | Echo | |
| Partiu chudicial | Chaca | |
| Superficie | 234,4 km² | |
| Población • Total • Densidat |
799 hab. (2013) 3,41 hab/km² | |
| Altaria • Meyana |
800 m. | |
| Distancia • 100 km |
enta Uesca | |
| Alcalde | Luis Gutiérrez Larripa | |
| Codigo postal | 22720 | |
| Chentilicio | Cheso/a[1] | |
| Parroquial • Diocesi • Arcipestrau |
Chaca Chaca-Berdún | |
| Ríos | Aragón Subordán | |
| Coordenadas | ||
| Web oficial | ||
 Esta fuella ye escrita en cheso.
|
La Val d'Echo[2] ye una val y un municipio aragonés situau en la comarca de la Chacetania. Lo municipio ye formau por l'achuntamiento de los nuclios urbanos de Ciresa, Echo, Urdués, Embún y Santa Lucia en 1971.
En la parti Norte d'esta Val ye situada, entre los 1.000 y los 1.800 metros d'altura, se troba la Selva d'Oza.
Cultura
[editar | modificar o codigo]Lo cheso
[editar | modificar o codigo]En la Val d'Echo se fabla una variedat particular de la luenga aragonesa, clamada cheso. Los chóvens d'Echo charran la suya luenga por las carreras de forma habitual. Esta ye una diferencia clara con otras villas de la redolada en do ye difícil escuitar-lo en las bocas de los mesaches y mesachas. La razón d'esta realidat ye que los mayestros de las otras Villas, a lo contrario qu'en Echo, no quereban se charra-se asina, ya qu'entendeban que yera obstaclo pa los suyos alumnos si se'n iban ta la emigración y no conoceban bien lo castellano. Lo escritor en cheso, y tamién mayestro en la Villa, Veremundo Méndez Coarasa, no lo creyeba asina y por ixa razón estié, y ye, sin dubda, la referencia de muitas chents de la Villa d'Echo pa charrar con rasmia y orgullo esta variedat de l'aragonés.
Bisas de lo Subordán
[editar | modificar o codigo]Bisas de lo Subordán ye una polida publicacion feita por las chents de lo lugar, escrita en cheso y castellano, en do se veyen muitos temas de la vida y la cultura d'esta Val.
Amistat con lo Biarn
[editar | modificar o codigo]Bi ha una estreita relacion con los municipios de lo costau norte, lo Biarn. Se fan marchas senderistas dende un costau ta l'otro de la buga cada anyada con comida fraternal pa rematar la chornada. En esta trobada se charran y cantan en las luengas de lo Pireneu. Tamién se fa otra trobada anual en l'ibón d'Astaners con la misma intención y ambiente d'amistat.
Lo Vestiu Tradicional
[editar | modificar o codigo]Lo vestiu de las chents d'estas Vals de lo Pireneu (lo trache cheso) ye muito pareciu, con los de Roncal (Navarra) y de lo vecino Ansó. Las diferencias son claras, pero las principals caracteristicas se veyen que son comuns. En la Val d'Echo no se conoz la razón que no fuese la vestimenta habitual de las chents de lo lugar como estié en Ansó dica lo fin de lo siglo XX, cuando se podeba vier chen con lo trache en las carreras ansotanas. Dica 1910 encara i heba chent d'Echo que levaba lo trache.[3]
Grupo Folklorico de la Val d'Echo
[editar | modificar o codigo]Lo Grupo Folklorico de la Val d'Echo ye l'orgullo d'esta Val, grupo qu'ha feito cuantas gravacions con las cancions populars tradicionals y tamién nuevas creacions. Lo director y alma de lo grupo ye Pepe Lera, autor de la cancion, S'ha feito de nueit, que ye ya clasica y s'escuita y canta en todo Aragón, dende lo Pireneu enta lo Mayestrazgo.
Las navatas
[editar | modificar o codigo]Los faus y abetes de los monts de las Vals Occidentals de lo Pireneu aragonés (Echo y Ansó) estieron los primers que baixaron por los ríos d'estas Vals en navata, dimpués ta l'Aragón y fer lo largo camín que podeba terminar en Tortosa. Las dificultaz con lo Reino de Navarra facié que los chesos y ansotanos deixasen de fer esti comercio. Anyadas dimpués, dende la Villa de Sangüesa, se comencipia a fer lo transporte de fustas, (los troncos de faus y abetes) agora dende lo territorio navarro u siga, dende la Val de Roncal. Ta asti plegueron las tecnicas y lo lenguaje de las vals aragonesas, asina la luenga, las parolas que utilizan agora los navaters roncaleses han ixe orichen. Agora ye intinción de las chents de la Val d'Echo recuperar y recrear esta practica como lo fan los becinos navarros de Burgui cada primero de Mayo con mils de personas que veyen lo descenso por lo rio Esca. En 2008 s'ha feito en Echo la recreación d'esta practica que nacié en estas Vals d'Aragón.
Capilla de Música Sebastián Alfonso
[editar | modificar o codigo]La afición a la musica en la val facié que en 1999 un grupo de chóvens chesos empecipiase a achuntarse a cantar. Asinas nacié esta agrupación coral.
Se veiga tamién
[editar | modificar o codigo]- Ibón de l'Acherito. Esti ibón ye situáu, cheograficamente, en la Val d'Echo y las suyas auguas ven ta lo Barranco d'Acherito que las chunta con las de lo río Aragón Subordán en lo lugar clamau La Mina, pero cal decir y aclarar que l'ibón d'Acherito ye dentro de lo termino alministrativo d'Ansó.
- Ibón d'Astaners. Tamién en lo termino alministrativo d'Ansó, pero ye un buen lugar pa conocer dende la Villa d'Echo, como todos los monts y vals que bi ha en lo camino ta lo norte, ta la buga con Francia.
Demografía
[editar | modificar o codigo]
| ||||||||||||||||||
| ||||||||||||||||||
| ||||||||||||||||||
| ||||||||||||||||||
| ||||||||||||||||||
| ||||||||||||||||||
| 1717-1981: población de feito; 1990- : población de dreito. Fuent: Intercensal en l'INE, Series de población en l'INE y Relación d'unidatz poblacionals en l'INE. | ||||||||||||||||||
Administración
[editar | modificar o codigo]Reparto de concellers
[editar | modificar o codigo]| Partiu politico | 1979 | 1983 | 1987 | 1991 | 1995 | 1999 | 2003 | 2007 | 2011 | 2015 | 2019 | 2023 |
| Partido de los Socialistas de Aragón | 2 | - | - | 6 | 5 | 2 | 4 | 5 | 4 | 4 | 5 | 5 |
| Chunta Aragonesista | - | - | - | - | - | - | 1 | - | - | 1 | 2 | 1 |
| Partido Popular | - | - | - | 1 | 4 | 2 | 1 | 1 | 1 | 1 | - | 1 |
| Partido Aragonés | - | - | - | 2 | 0 | 0 | 1 | 1 | 2 | 1 | - | - |
| Independients | - | - | - | - | - | 3[5] | - | - | - | - | - | - |
| Unión de Centro Democrático | 7 | - | - | - | - | - | - | - | - | - | - | - |
| Total | 9 | - | - | 9 | 9 | 7 | 7 | 7 | 7 | 7 | 7 | 7 |
Alcaldes
[editar | modificar o codigo]| Lechislatura | Nombre | Partiu politico |
|---|---|---|
| 1979–1983 | Calvo Eito, Constancio | UCD |
| 1983–1987 | Gil Laplaza, Jose Martin | PSOE |
| 1987–1991 | Chavarria Casado, Benedicto A. | PAR |
| 1991–1995 | ||
| 1995–1999 | Miguel Aisa Felipe | PSOE |
| 1999–2003 | Gutierrez Larripa, Luis | Independient |
| 2003–2007 | ||
| 2007–2011 | ||
| 2011–2015 | Luis Gutiérrez Larripa | Partido de los Socialistas de Aragón |
| 2015–2019 | ||
| 2019–2023 | ||
| 2023–2027 | Marta Lera Mateos [6] | PSOE |
Referencias
[editar | modificar o codigo]- ↑ (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.
- ↑ (es) Toponimos oficials de Chacetania en www.lenguasdearagon.org
- ↑ (an) / (es) Manuel Alvar: Atlas lingüístico y etnográfico de Aragón, Navarra y Rioja. Tomo VIII, p.83, Alicant, Biblioteca Virtual Miguel de Cervantes, 2023
- ↑ Archivo electoral
- ↑ Candidatura Independiente de la Val d'Echo
- ↑ (es) Consulta el listado de alcaldes que han sido proclamados en Aragón en Heraldo de Aragón
Vinclos externos
[editar | modificar o codigo]
| Municipios d'a comarca d'a Chacetania | |
|---|---|
| Aísa | Ansó | Aragüés de lo Puerto | Artieda | Bailo | Borau | A Canal de Berdún | Canfranc | Castiello de Chaca | Chaca | Chasa | Fago | Mians | Puent d'a Reina de Chaca | Salvatierra d'Esca | Santa Cilia | Santa Cruz d'as Serors | Sigüés | Val d'Echo | Villanuga |
| Lugars de lo municipio de la Val d'Echo | |
|---|---|
| Ciresa | Echo | Embún | Santa Lucia | Urdués |
| Lugars desapareixius de lo municipio de la Val d'Echo | |
|---|---|
| Catarecha |
Datos: Q1766550
Multimedia: Valle de Hecho (Huesca) / Q1766550