País constituyent

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Países constituyents u nacions constitutivas ye un termin que s'emplega a sobén, por un regular por institucions oficials, en contextos en os que un numero de países composa una entidat u agrupación mayor. Asinas, a OCDE ha feito servir o termin en referencia a l'antiga Yugoslavia y as institucions europeas como o Consello d'Europa a sobén la fan servir en referencia a la Unión Europea. No ye terminolochía tecnica y no tien un sentito legal definito; constituyent ye simplament un adchectivo, y o termin no tien un sentito claro difuera d'o contexto d'a entitat u agrupación.

Reino de Dinamarca

Os países constituyents (landen) d'o Reino de Dinamarca son:

• Dinamarca
• Groenlandia
• Islas Feroe

Reino Uniu

Os países constituyents (Home Nations) d'o Reino Uniu son:

• Anglaterra
• Irlanda d'o Norte
• Escocia
• Galas

Reino d'os Países Baixos

Dende o 10 d'octubre de 2010, os países constituyents (landen) d'o Reino d'os Países Baixos son:

• Países Baixos
• Aruba
• Curaçao
• Sint Maarten

L'antigo país constituyent d'as Antillas Neerlandesas se disolvió en octubre de 2010. Iste feito causó l'aparición de dos países constituyents nuevos, Curaçao y Sint Maarten. As islas BES (Bonaire, Sint Eustatius y Saba) s'unioron como municipios especials a os Países Baixos.

Uso d'a exprisión ta organismos internacionals

A Organización ta a Cooperación y o Desembolique Economico ye un eixemplo d'organismo que ha emplegato a exprisión "países constituyents", particularment en referencia a:

• as Republicas Socialistas de l'antiga Yugoslavia
• as Republicas Socialistas Sovieticas de l'antiga Unión Sovietica

O Consello d'Europa y atras institucions europeas a vegatas fan servir a exprisión referindo-se a os estaus miembros d'a Unión Europea.

Se veiga tamién

• Dependencia d'a Corona britanica
• Asamblea Nacional de Galas

• Datos: Q1763527