Guerra de Succesión de Bretanya

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Guerra de Succesión de Bretanya
Guerra d'os Cient Anyos
A batalla d'Auray (1364).
Información cheneral
Calendata: 1341 - 1364
Puesto: Bretanya
Resultau: Victoria d'a Casa de Montfort; Tratato de Guérande
En conflicto
Casa de Montfort Bretanya Reino d'Anglaterra	Casa de Blois Bretanya Francia Castiella
Comandants
Chuan de Montfort(†) Chuana de Flandres(†) Chuan III de Montfort Eduardo III d'Anglaterra Chuan Chandos Olivier V de Clisson Robert Knolles	Carlos de Blois(†) Chuana de Penthièvre Carlos V de Francia Bertrand du Guesclin Jehan de Beaumanoir Guy II de Nesle(†)
Guerra d'os Cient Anyos
Guerra d'os Cient Anyos (1337-1360) • Guerra de Succesión de Bretanya • Primera Guerra Civil de Castiella • Guerra d'os Dos Peros • Guerra d'os Cient Anyos (1369-1389) • Guerra d'os Cient Anyos (1415-1429)
Guerra de Succesión de Bretanya
Batalla de Champtoceaux • Batalla de Brest (1342) • Batalla de Montroulez • Batalla de Kastell-Paol • Batalla d'ar Roc'h-Derrien • Combate d'os Trenta • Batalla de Maoron • Batalla d'an Alre

Se conoix con o nombre de Guerra de Succesión de Bretanya (['gera (de) suθe'sjoɳ di bɾe'taɲa] (AFI) (tamién [su.θɪ'sjoɳ] (AFI))) u Guerra d'as Dos Chuanas a una guerra segundaria mientres a Guerra d'os Cient Anyos, escaicita entre 1341 y 1364 y que pretendeba decidir a succesión a o Ducau de Bretanya.

A guerra prencipió en 1341 dimpués d'a muerte d'o duque Chuan III de Bretanya, cuan se disputoron o suyo herencio d'una man, Chuana de Penthièvre (casata con Carlos de Blois) y d'atra man Chuana de Flandres (casata con Chuan de Montfort, chirmán d'o duque difunto). En a suya luita por o control d'o ducau, Chuan de Montfort prestó o suyo homenache a Eduardo III, rei d'Anglaterra, mientres que Carlos de Blois prestó o suyo homenache a o suyo lolo, Felipe VI, rei de Francia, que yeran en conflicto en a Guerra d'os Cient Anyos en haber-se proclamato Eduardo III como rei de Francia.

En prencipiar a guerra, en 1341, os franceses engarcholoron a Chuan de Montfort y proclamoron duque de Bretanya a o suyo candidato Carlos de Blois. Sindembargo, Eduardo III desembarcó con as suyas tropas en Brest en 1342, plegando-se a una tregua declarata en 1343, a tamas que Chuan de Montfort continaba engarcholato y a suya enemiga, Chuana de Penthièvre, se tornó loca.

A guerra continó sin de resolución clara, con momentos de predominio no decisivo ta cadagún d'os contendients, dica 1364, cuan que en a batalla d'Auray os angleses obtenioron una victoria decisiva sobre os franceses y os mercenarios de Bertrand du Guesclin, fendo asinas que se plegase a un tractau, o tractau de Guérande, que proclamó duque de Bretanya a Chuan IV, fillo de Chuan de Montfort y Chuana de Flandres. O primer acto d'o nuevo duque estió a sinyatura d'una alianza con o Reino d'Anglaterra, continando dende ixe inte o ducau de Bretanya a suya partecipación en a Guerra d'os Cient Anyos chunto a lo reino d'Anglaterra.

• Datos: Q550172
• Multimedia: Breton War of Succession / Q550172