Carlos Pauner

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Carlos Pauner
Información personal
Naixencia	9 de chunio de 1964 Chaca, Uesca
Esporte	Alpinismo
Títols
14 ueitomils

Carlos Pauner Gotor (Chaca, Uesca, 9 de chunio de 1964), ye un alpinista aragonés. Ye o solo alpinista aragonés y cuatreno espanyol dica hue (2018) en puyar en os 14 ueitomils d'a Tierra.

A suya primera expedición, en 1995, le leva a puyar a o mont Kun (7.077 m), en India. En marzo de 1997 s'une a una expedición navarra financiata por "Al filo de lo Imposible" ta intentar o suyo primer ueitomil, encara que o Kangchenjunga no se deixará vencer ista vegata.

O suyo primer ueitomil puyato será o K2 en 2001 y, a l'anyo venient, o segundo: o Makalu, estando o primer aragonés que i puya.

En l'anyo 2002, coincidindo con l'"Anyo Internacional d'as Montanyas", o Gubierno d'Aragón decide patrocinar o prochecto de Carlos Pauner ta puyar a os 14 monts que blincan d'os ueitomil metros d'altaria.

Será en 2003 cuan ocurre l'accident en que se le da por muerto mientres de tres días, dimpués de fer tuca en o Kangchenjunga. A dificil baixata d'iste mont y as secuelas derivtdas no le sacoron ganas ta continar con o prochecto.

En l'anyo 2004 puyó dos nuevos ueitomils: o Gasherbrum I y o Cho Oyu, en l'anyo 2005 o Nanga Parbat y en 2007 o Broad Peak.

En o 2008 puyó a o Dhaulagiri, consiguindo a suya ueitena tuca de mas de ueitomil metros, y en 2010 consigue a nuena puyando a l'Annapurna y a decena puyando a o Manaslu.

En mayo de 2011, puya a o suyo onceno ueitomil, o Lhotse.

Ueitomils puyatos por orden cronolochico

En a tuca Cho Oyu con o sinyal d'Aragón

• K2, 8.611 m - 2001.
• Makalu, 8.463 m - 2002.
• Kangchenjunga, 8.586 m - 2003.
• Gasherbrum I, 8.068 m - 2004.
• Cho Oyu, 8.201 m - 2004.
• Nanga Parbat, 8.125 m - 2005.
• Broad Peak, 8.047 m - 2007.
• Dhaulagiri, 8.167 m – 2008.
• Annapurna, 8.091 m – 2010.
• Manaslu, 8.163 m – 2010.
• Lhotse, 8.516 m – 2011.
• Gasherbrum II, 8.035 m – 2011.
• Shisha Pangma, 8.027 m - 2012.
• Everest, 8.848 m – 2013.

Fracaso en o Shisha Pangma

Dimpues d'a conquiesta d'a tuca d'o Everest sin d'oxichén o 22 de mayo de 2013 Pauner zarró en falso o suyo reuto de conseguir plegar dica as catorce montanyas mas altas d'o mundo sin d'oxichén , ya que a suya puyata a o Shisha Pangma (8.027 msnm) en a primavera de 2012 no ha sito reconoixita por webs especializatas en alpinismo como 8000ers.com y mesmo os suyos companyers d'expedición como Juanito Oiarzabal tienen dandalos.. Él mesmo en a suya cuenta de Twitter no confirmó o exito d'a puyata dica un día dimpués d'a suya plegata a o campo base, ta rectificar poco dimpués:

Vista a tuca en pleno día no lo tenemos guaire claro, somos goyosos, argüellosos d'o esfuerzo, pero lo comprebaremos en o campo base.

Istas dubdas serían confirmatas en posteriors declaracions o 13, 17 y 19 de mayo de mayo de 2012:

En o foscor d'a nueit no sabiemos si yera o punto mas alto u atro muit amán. No m'importa.

Plegamos dica o que de tot mos pareixió a tuca, o punto mas altero, punto que se puet comprebar en o vidio. Una vegada astí ya no teniemos elementos de contimparación con os arredols, encara que os altimetros marcaban pasados de sobra os 8.000 m. Sisquiera hésemos plegato de día, hésemos puesto fer fotos y compartir-las con toz vusatros, pero no estió asinas. Mos queda a sensación de tuca, d'haber plegato enta o cobalto, pero hemos d'estar honestos y reconoixer que si hese habito bel punto de mas altaria amán, en a foscor d'a nueit tampoco no hésemos puesto veyer-lo”. Y adhibiba que “somos argüelllosos de haber plegato dica o punto mas alto, pero tamién de ser honestos y manifestar a dubda razonable intrinseca a las circunstancias escayecitas.

[...] ta yo o Shisha ye historia. Tiengo dandalos de si lo que faciemos ye meyo metro mas baixo. O mas important ye o muito que hemos treballato. O Shisha ye feito y no tiengo ideya de i tornar.

Se veiga tamién

Ueitomil, lista d'os 14 ueitomils d'a Tierra y de toz os alpinistas que bi han puyato.

Vinclos externos

• (es) Web personal Carlos Pauner

Artíclos en Prensa

• (es) "Rescatan con vida al alpinista perdido en Nepal". El Mundo
• (es) "Desaparece un español tras coronar la tercera montaña más alta del mundo". Libertad Digital

Documentals

• (es) Kangchenjunga, historia de un superviviente. RTVE.

• Datos: Q527823
• Multimedia: Carlos Pauner / Q527823