Zernez
| Zernez | |
|---|---|
 | |
| Basisdate | |
| Staat: | Schwiiz |
| Kanton: | Graubünde (GR) |
| Region: | Engiadina Bassa/Val Müstair |
| BFS-Nr.: | 3746 |
| Poschtleitzahl: | 7530 Zernez 7542 Susch 7543 Lavin |
| Koordinate: | 803507 / 175539 |
| Höchi: | 1'474 m ü. M. |
| Flächi: | 344,04 km² |
| Iiwohner: | 1532 (31. Dezämber 2022)[1] |
| Website: | www.zernez.ch |
 s Dorf Zernez | |
| Charte | |
 | |
Zernez () isch a politischi Gmaind i da Region Engiadina Bassa/Val Müstair im Schwizer Kanton Graubünda.
Geografii
[ändere | Quälltäxt bearbeite]D Gmaind Zernez ligt im mittlara Engadin und wird vom Inn durflossa. Si bestoot us da Frakziona (Dörfer) Lavin, Susch und Zernez. Nochbergmainda sind im Südoschta Val Müstair, im Oschta Scuol, im Norda Gaschurn (Vorarlbärg), im Nordweschta Klosters und Davos, im Südweschta S-chanf. Im Süde sind di italienischa Nochbergmainde Livigno und Valdidentro.
Gschicht
[ändere | Quälltäxt bearbeite]I da Johra noch 2000 hät ma z Zernez und i da umligenda Dörfer aagfanga über a Fusion nochazdenka. An da Gmaindsversammliga vom 21. Juni 2012 händ d Stimmbürger vo zwai Gmainda relativ knapp da damalig Fusionsvertrag abglehnt, Guarda mit 52,2 % und Zernez mit 52,9 %. Z Lavin (74,3 %) und z Susch (68,5 %) hät s Stimmvolk dütlich zuagstumma.[2] Guarda hät nochhär Verhandliga mit Scuol ufgnoo und underdessa am säba Fusionsvertrag zuegstumma. Am 24. April 2014 händ d Bürgerversammliga vo da drei übriga Gmainda über nöji Fusionsplän chöna abstimma und händ dütlich Jo gsait.[3]
Per 1. Jänner 2015 hät d Gmaind Zernez mit Lavin und Susch fusioniert.[4] Dia nöji Gmaind trait da Nama Zernez und hät a neus Wappe überko.
Verkehr
[ändere | Quälltäxt bearbeite]Zernez isch an Verkehrsknotapunkt im Engadin. Am Inn no doruf gohts uf Samoritz und abwärts ka ma noch Scuol. Uf dära Achsa fahrt au di Rhätisch Bahn. I öschtlichar Richtig fahrt s Postauto über da Ofapass is Münschtertal bis in Vinschgau im Südtirol (Italia). Uf da Strecki in Ofapass uffi zwigt a Strooss ebafalls i Richtig Italia ab. Dor de Tunnel im Munt la Schera gits a möglachi, koschtapflichtagi Zuafahrt noch Livigno. Ab Susch füert d Stross i weschtlichar Richtig über da Flüelapass uf Davos und bi Lavin ermöglichat da Vereinatunnel vo dr Ysebaan a wintersichari Verbindig über Klosters und Landquart noch Chur.
Lüüt
[ändere | Quälltäxt bearbeite]- Johannes Gujan
- Ulrich Campell, vo Susch
- Anna Serarda Campell, vo Lavin
Literatur
[ändere | Quälltäxt bearbeite]- Luzi Dosch: Zernez (= Schweizerische Kunstführer. Nr. 590, Ser. 59). Hrsg. von der Gesellschaft für Schweizerische Kunstgeschichte GSK. Bern 1996, ISBN 3-85782-590-1.
- Erwin Poeschel: Die Kunstdenkmäler des Kantons Graubünden. Band III: Die Talschaften Räzünser Boden, Domleschg, Heinzenberg, Oberhalbstein, Ober- und Unterengadin (= Kunstdenkmäler der Schweiz. Band 11). Hrsg. von der Gesellschaft für Schweizerische Kunstgeschichte GSK. Bern 1940. DNB 760079625.
- Peter W. Roth: Der lange Weg zur achtgrössten Gemeinde. Zernez ist bereits 850 Jahre alt. In: Engadiner Post vom 3. März 2011, S. 5.
Weblink
[ändere | Quälltäxt bearbeite]
Commons: Zernez – Sammlig vo Multimediadateie- Offizielle Website der Gemeinde Zernez
- Paul Eugen Grimm: Zernez. In: Historisches Lexikon vo dr Schwiiz.
- Paul Eugen Grimm: Lavin. In: Historisches Lexikon vo dr Schwiiz.
- Paul Eugen Grimm: Susch. In: Historisches Lexikon vo dr Schwiiz.
Fuessnoota
[ändere | Quälltäxt bearbeite]- ↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023
- ↑ Guarda-Lavin-Susch und Zernez fusionieren nicht! Bündner Amt für Gemeinden, Mittailig vom 22. Juni 2012
- ↑ Weg frei für Gemeinde Zernez Regionaljournal Graubünda, Mittailig vom 25. April 2014
- ↑ Scuol ist die grösste Schweizer Gemeinde (Memento vom 8. Februar 2015 im Internet Archive) Regionaljournal Ostschwiz und Graubünda, Mittailig vom 11. Dezember 2014
